+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Семейде жыл басынан бері 24 бала менингит жұқтырған

2019 жылғы 2 тамыз 19:03
Бөлісіңіз:
Семейде жыл басынан бері 24 бала менингит жұқтырған

СЕМЕЙ. ҚазАқпарат - Семейде 7 ай ішінде 25 адам менингит ауруын жұқтырған. Оның ішінде тек бір ғана науқас - ересек. Бұл ауру балалар арасында тез таралатын болып тұр, деп хабарлайды ҚазАқпарат Семей ақпарат орталығына сілтеме жасап.

Ұқсас жаңалықтар
Елордада 2 бала менингит жұқтырды - мамандар үндеу жолдады Шымкентте менингитке шалдыққандар саны көбейіп барады

Бұл жөнінде Семей қаласы жұқпалы аурулар ауруханасының директоры Сәуле Раушанқызының және мамандардың қатысуымен өткен баспасөз мәслихатында айтылды.

Серозды менингит - мидың серозды қабықтарын зақымдайтын энтеровирустық ауру. Барлық вирустар белгілі бір маусымда өршиді. Тұмау және герпесвирустар күзгі-қысқы кезеңдерде көп таралса, ал энтеровирустар үшін ішек вирусы сияқты жазғы кезең тән.


Энтеровирустық инфекция көп жағдайда су мен тамақ арқылы жұғады. Негізгі клиникалық белгілері: дене қызуының көтерілуі, бас ауруы, жүректің айнуы, лоқсу. Аталған белгілер пайда болған жағдайда өз бетінше емделуге жол бермей, бірден дәрігерге көріну керек дейді мамандар.

- Вирус табылған жағдайда адамға толық диагностика жасап, емдеу қажет. Бұл жұқпалы ауру тамыз айында қатты өршиді. Осыған байланысты негізгі мақсат – бұл инфекцияның халық арасында, атап айтқанда балалар арасында өсуіне және одан әрі таралуына жол бермеу керек. Және бұл мамандар бақылауында, - деді эпидемиологиялық қадағалау бөлімінің бас маманы Динара Бексұлтанқызы.

Жұқпалы ауруды жұқтырмау үшін қарапайым гигиена ережелерін сақтау керек. Жемістер мен көкөністерді мұқият жуу, қолды жуу, үй-жайды желдету. Су айдындарында және бассейндерде шомылғанда ауыз қуысына су жібермеу қажет.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT