+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Семейде жалақысыз қалған автобус жүргізушілері жұмысқа шықпай қойды

2021 жылғы 23 маусым 13:05
Бөлісіңіз:
Семейде жалақысыз қалған автобус жүргізушілері жұмысқа шықпай қойды

СЕМЕЙ. ҚазАқпарат – Семей қаласында жалақысын ала алмай отырған автобус жүргізушілері жұмысқа шықпай қойды, деп хабарлайды ҚазАқпарат тілшісі.

«Semey Bus» және «Семей Автобус паркі» ЖШС қоғамдық көліктері желіге шықпады. Бұған еңбек ұжымына жалақының уақытылы төленбеуі себеп болған.

Қала әкімдігінің мәліметіне сүйенсек, бүгінгі таңда «Semey Bus» басшылығының зейнетақы және басқа да аударымдар бойынша борышы жарты миллиард теңгеден асып отыр.

Нәтижесінде, оларға МӘМС аясында қызмет көрсетілмеуде. Ай сайынғы зейнетақы аударымы болмағандықтан, тіпті несиеге де өтініш бере алмайды.

Жыл көлемінде жүргізушілер бір емес, он рет жұмысқа шықпай қойған.

ШҚО әкімінің орынбасары Бақытжан Байахметов және шаһар әкімдігінің өкілдері жұмысшылармен кездесіп, келіссөз жүргізді.

«Әрқайсыңыздың қолыңызда еңбек шарты бар. Осы шарттарға сәйкес, сотқа жүгінуге және тиісті шегерімдерді талап етуге құқылысыздар. Бұған ешқандай кедергі жоқ. Алайда автобустардың қатынауын тоқтату дұрыс шешім емес. Қала тұрғындарының кінәсі неде? Бұл үшін неге халық зардап шегуі тиіс?», - деді Бақытжан Байахметов.

Бұл ретте ол аударымдарды өндіріп алу үшін еңбек ұжымы «ҚР зейнетақымен қамсыздандыру туралы» Заңын бұзғаны үшін кәсіпорынды сотқа беру қажеттігін атап өтті.

Осыған сәйкес, міндетті зейнетақы жарналарының аударылмаған сомасын мемлекеттік кіріс органдары өндіріп алатынын немесе мерзімін өткізіп алған әрбір күн үшін ҚР Ұлттық банкінің базалық мөлшерлемесінің 1,25 еселенген мөлшерінде өсімпұл есептей отырып, жұмыскерлердің пайдасына аударылатынын мәлімдеді.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT