08:58, 13 Қаңтар 2022 | GMT +6
Семейде өрт шыққан көпқабатты үйден 10-ға жуық адам эвакуацияланды
СЕМЕЙ. ҚазАқпарат – Семей қаласында өрт шыққан көпқабатты үйден 10-ға жуық адам эвакуацияланды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, өрт кеше сағат 23.58-де Семейдегі Засядко көшесіндегі көпқабатты үйде шыққан. Белгілі болғандай, 10 қабатты үйдің подъезінде қоқыс өртенген.
«Оқиға орнына өрт сөндірушілер шұғыл келіп жетті. Подъезді көк түтін тұмшалағандықтан 9 адам, оның ішінде 1 бала эвакуацияланды. Орал Вахта көлігіне орналастырылған. Содан кейін жалпы ауданы 4 шаршы метрге жеткен қызыл жалын сөндірілді», - деп хабарлады ведомство өкілдері.
Осы ретте, облыстық ТЖД мамандары өңір жұртшылығына өрт қауіпсіздігін сақтау қажеттігін ескертеді.