+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Семейде Назарбаев зияткерлік мектебінің ұжымы жетім қызға пәтер алып берді

2019 жылғы 14 мамыр 18:21
Бөлісіңіз:
Семейде Назарбаев зияткерлік мектебінің ұжымы жетім қызға пәтер алып берді

СЕМЕЙ. ҚазАқпарат - 19 жастағы Еркежан Ерсінқызы ата-анасынан ерте айырылған. Облыстық білім басқармасымен арадағы ата-ана қамқорлығынсыз қалған балалар мен жетім балаларға әлеуметтік-патронаттық қолдау бойынша өзара ынтымақтастық аясында Назарбаев Зияткерлік мектебінің ұжымы 2013 жылдан бері Еркежанның тұрғын үй жинақ қорына қаржы аударып келген. Бүгін мектеп ұжымы бойжеткенге 1 бөлмелі пəтердің кілтін салтанатты түрде табыстады, деп хабарлайды ҚазАқпарат.

Аягөз қаласының тумасы Еркежан Ерсінқызы бүгін өз пәтеріне қол жеткізді. Бала күнінен тағдырдың қатал сынына ұшыраған қызға баспана әперуге Семей қаласындағы физика-математика бағытындағы Назарбаев Зияткерлік мектебінің ұжымы себепкер болды.

«Ұрпақ тәрбиешісі ретінде бізді дәл осы Еркежандай жастарымыздың келешегі алаңдатады. Қызымыздың бақытты сәтіне ортақтасып, арманына қол жеткізуіне себепші болғанымызға біз де қуаныштымыз. Біз пәтерді таңдау құқын Еркежанның өзіне бердік. Тек тиісті құжаттарының дұрыс рәсімделуіне қызметкерлеріміз көмектесті. Бұл баспана оған құт-береке әкелетін шаңырақ болсын деп тілейміз» - деді Семей қаласындағы физика-математика бағытындағы Назарбаев Зияткерлік мектебінің директоры Бағдан Қайыржанов.
null

19 жастағы бойжеткен әкесінен сәби күнінде, анасынан 12 жасында айырылыпты. Соңғы 5 жылдан бері немерелес ағасы Роллан Суықбаевтың шаңырағында тұрып жатыр.

«Өз баспанам болғанын армандасам да, аяқасты үйлі боламын деп еш ойламаппын. Тіпті мектептен хабарласып, сенің банкте есеп-шотың бар, сол шоттағы ақшаға үй алып береміз дегенде мүлдем сенбедім. Бүгін қуаныштан толқып тұрмын. Өмірде қайырымды, жанашыр адамдардың бар екеніне көзім жетті», - дейді Еркежан Ерсінқызы.

Қазір Еркежан Аягөз қаласындағы политехникалық колледждің 3-курсында «Бағдарламашы» мамандығында оқып жүр.

«Оқуымды университетте жалғастырам деген жоспар бар. Келер жылы қалаға келемін», - деген Еркежанға мектеп ұжымы баспанасының алғашқы жиһазы ретінде микротолқынды пешті сыйға тартты.

Біздің каналымызға жазылыңыз:

Бөлісіңіз:

Автор:

Бағым Ғалымбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT