+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Семейде көктемгі су тасқынының алдын алу шаралары пысықталды

2020 жылғы 10 наурыз 17:14
Бөлісіңіз:
Семейде көктемгі су тасқынының алдын алу шаралары пысықталды

СЕМЕЙ. ҚазАқпарат – Семей қаласында су тасқынының алдын алу мақсатында атқарылып жатқан жұмыстар талқыға салынды, деп хабарлайды ҚазАқпарат.

Жиынға ШҚО прокуроры Құсайын Игембаев, облыс әкімінің орынбасары Бақытжан Байахметов, Семей қаласының әкімі Ермак Сәлімов, ТЖД, «Қазгидромет» және «Ертіс бассейні инспекциясы» РМК өкілдері қатысты. Шара барысында су тасқынына орай бірлескен іс қимылдар дайындығы сөз болды.

«Осыдан екі жыл бұрынғы қателіктің қайталануына жол бермеуіміз керек. Ол кезде тасқынның салдарынан мыңдаған үйлер бұзылып, үш мыңнан астам адам эвакуцияланған. Прокуратура қылмыстық іс қозғап, кінәлілер жауапқа тартылған болатын»,- деді Құсайын Игембаев.


Қала әкімі Ермак Сәлімовтың айтуынша, осы жылы су тасқынының алдын алу шараларына 944,5 млн теңге қарастырылған. Тұрғын-үй коммуналдық шаруашылық бөлімінде су өткізетін каналдарды ағымдағы жөндеу мен күтіп ұстауға 46 миллион теңгеден астам қаражат бөлінген. Семейдегі осындай каналдардың ұзындығы - 62 шақырым.

«Бүгінгі күні арықтың барлығы тазартылды, жұмыс штаттық режимде жүруде. Жағалауды бекіту үшін жобалық-сметалық құжаттама жасалған. Жоба сараптамаға жіберіліп, тиісті қаражат бөлінді. Бүгінгі күні жеке сектордың 55 көшесінен 300 мың текше метр қар шығарылған. Қалған 5 көшедегі жұмысты наурыздың 20-на дейін аяқтауды жоспарлап отырмыз», - деді шаһар басшысы.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT