Семейде екі жасар бала 8-қабаттағы терезеден құлап кетті

СЕМЕЙ. ҚазАқпарат – Семейде екі жасар бала 8-қабаттағы терезеден құлап кеткен, деп хабарлайды ҚазАқпарат тілшісі қалалық төтенше жағдайлар басқармасына сілтеме жасап.

Қалалық Төтенше жағдайлар басқармасының хабарлауынша, оқиға Ж.Кәрменов көшесіндегі көпқабатты үйдің бірінде болған.

«Қазіргі уақытта, 2017 жылы туған сәби (толық жасы – 2 жас 11 ай) облыстық балалар ауруханасына жатқызылды. Ол жабық бас сүйек-ми жарақатын алған, жағдайы – ауыр», деп хабарлады ТЖБ.

Басқармадағылар оқиға орнына құтқарушылар бармағанын атап өтті.

Автор: Орал Ерланұлы