Семейде дүкен сатушысы 3,5 млн теңгенің телефонын жымқырған
ШҚО Полиция департаменті баспасөз қызметінің мәліметіне сүйенсек, «102» жедел арнасына 44 жастағы ЖШС басшысы қоңырау шалған. Өз сөзінде ол 4-11 қазан аралығында дүкендегі 26 жастағы сатушының жұмыс орнында 5 дана ұялы телефонды жымқырып кеткенін жеткізді. Осының салдарынан келтірілген материалдық залал мөлшері – 3 500 000 теңгені құрады.
Жедел-іздестіру шараларын жүргізген полиция қызметкерлері күдіктіні қолға түсірді. Ер адам өз кінәсін мойындап отыр. Белгілі болғандай, ол ұялы телефондарды ломбардқа өткізіп, ақшаны жеке қажеттілігіне жұмсаған. Қазіргі уақытта заттай дәлелдемелер тәркіленді, - деді департамент бастығы Сағат Мәдиев.
Қазіргі уақытта аталған факті бойынша ҚР ҚК-нің 189-бабы 3-бөлігіне сәйкес сотқа дейінгі тергеу амалдары жүргізіліп жатыр.