USD 434.34 EUR 491.93
RUB 5.56 CNY 68.67
Jańalyqtar

Семейде білім саласындағы жемқорлықпен күрестің жаңа әдісі ұсынылды

2020 жылғы 26 ақпан 11:54
Бөлісіңіз:
Семейде білім саласындағы жемқорлықпен күрестің жаңа әдісі ұсынылды

ӨСКЕМЕН. ҚазАқпарат – Семей қаласында білім саласындағы сыбайлас жемқорлыққа қарсы тұрудың жаңа әдісі ұсынылды, деп хабарлайды ҚазАқпарат.

Ұқсас жаңалықтар
Олжас Құдайбергенов: Басшылық қызметке таныс арқылы тағайындау - өткен күннің тәжірибесі Корпоративтік жемқорлық мәселесіне ерекше назар аудару қажет – Мемлекет басшысы

Қалалық әкімдікте мектеп директорлары мен есепшілерінің қатысуымен өткен жиында оқу орындарындағы сыбайлас жемқорлыққа және ақша жинауға қарсы күрес мәселелері талқыланды.

Семей қалалық білім бөлімінің басшысы Наталия Фесенконың айтуынша, алдын алу мақсатында бірқатар шаралар жүргізіліп жатқанына қарамастан, шаһардағы білім ордаларында жемқорлық фактілері әлі де аз емес.

Мысалы жуықта бюджет қаражатын жымқырған № 27 және № 49 мектептің есепшілері сотталған болатын. Осындай қылмыс фактілерін азайту мақсатында орталықтандырылған бухгалтерия құру бастамасы көтерілді.

«Бұл ұсыныс ұзақ уақыттан бері күн тәртібінде тұр. Алайда облыстық білім басқармасы қыркүйектен бастап жеке қаржыландыру енгізілетіндіктен осы бастаманың іске асырылуы мүмкін болмайды дейді. Десе де, біз орталықтандырылған бухгалтерия құрылуы керек деп есептейміз. Себебі негізінен бюджеттен және демеушілік шоттардан ақша ұрлау жағдайларының басты себебі мектеп директорларының қаржылық сауаттылық деңгейінің төмендігі мен бақылаудың жеткіліксіз болуында. Қазіргі уақытта директорларға қаржылық сауаттылық жөнінде курстар өткізуді қолға алып жатырмыз», - дейді Наталия Фесенко.

Бүгінде әр мектепте сыбайлас жемқорлыққа қарсы жұмыс жүргізілуде. «Адал ұрпақ» және «Адалдық дүкені» сынды клубтар құрылған.

Дегенмен әлі күнге дейін ата-аналар мұғалімдердің ақша жинайтынын айтып шағымдануда. Бірақ өткен жылмен салыстырғанда мұндай арыздар біршама азайған.



Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT