Семейде автобус жүргізушісі есірткі қабылдап рульге отырған

СЕМЕЙ. ҚазАқпарат – Семей қаласының полиция қызметкерлері есірткі қабылдап рульге отырған автобус жүргізушісін анықтады, деп хабарлайды ҚазАқпарат тілшісі.

Ұқсас жаңалықтар

Қылмыстық топ еліміздің төрт қаласына пойызбен есірткі тасымалдаған

СҚО-да синтетикалық есірткі саудалаған 6 интернет дүкен жабылды Жамбылда бір жылда 3 тоннадан астам есірткі тәркіленген СҚО-да былтыр заңсыз айналымнан 2 кг синтетикалық есірткі алынды

ШҚО полиция департаменті баспасөз қызметінің мәліметіне сүйенсек, «Автобус» жедел алдын алу шарасы барысында 300-ге жуық заңбұзушылық тіркелген.

Оның ішінде жолаушыларды және жүктерді тасымалдау ережелерін бұзғаны үшін - 7 жүргізуші, көлік тізгіндеп отырып телефон пайдаланған - 47, жылдамдықты асырғаны үшін - 14 және маневр жасау ережелерін бұзғаны үшін 46 жүргізуші әкімшілік жауапкершілікке тартылған.

«20 қаңтар күні Семей қалалық полиция басқармасының қызметкерлері есірткі қабылдап рульге отырған автобус жүргізушісін ұстады. Аталған факті бойынша ҚР ӘҚБтК-нің 608-бабы 1-бөлігімен хаттама толтырылды» деп хабарлады ведомство өкілдері.

Айта кетейік, өңірде «Автобус» жедел алдын алу шарасы 20-22 қаңтар аралығында жүргізілуде.