+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Семейде Абайдың 3 поэмасы зағип жандарға арналған қаріппен жарық көрді

2020 жылғы 30 қараша 22:38
Бөлісіңіз:
Семейде Абайдың 3 поэмасы зағип жандарға арналған қаріппен жарық көрді

СЕМЕЙ. ҚазАқпарат – Семей қаласындағы Зағип және нашар көретін азаматтарға арналған кітапханада Брайль қарпімен басылған Абай шығармаларының таныстырылымы өтті, деп хабарлайды ҚазАқпарат тілшісі.

Кітапхана қызметкерлерінің айтуынша, қалалық әкімдіктің қолдауымен арнайы «Duxbery» бағдарламасы сатып алынған. Соның арқасында кітапхана алғашқы кітаптарын Брайль шрифтімен басып шығарды. Бұл Абайдың «Масғұт», «Ескендір» және «Әзім әңгімесі» атты үш поэмасы, сондай-ақ хакім аударған И.Крыловтың мысалдары.


«Біздің кітапханада Абайдың Брайль шрифтімен басылған кітаптары болмаған еді. Осында келген кездерімізде кітапханашылар ұлы ойшылдың туындыларын оқып беретін. Енді қазақтың бас ақынының шығармаларын өз бетімізбен оқи алатынымызға қуаныштымыз», - деді арнайы кітапхананың оқырманы Клара Құсайынова.

Сонымен қатар аудиокітап түрінде жарық көрген Абай шығармалары таныстырылды. Кітапхананың әлі де Брайль қарпіндегі әдебиеттерді мемлекеттік тілде шығаруға мүмкіндігі бар.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT