Семейде 40 жастағы ер адам суға батып кетті
2022 жылғы 6 маусым 20:43

Семейде 40 жастағы ер адам суға батып кетті

СЕМЕЙ. ҚазАқпарат – Семей қаласында 40 жастағы ер адам суға батып кетті, деп хабарлайды ҚазАқпарат тілшісі.

40 жастағы қала тұрғыны 31 мамыр күні із-түссіз жоғалып кеткен. Полицияға хабар түскен соң тәртіп сақшылары мен еріктілер жедел-іздестіру шараларына кірісті. Құтқарушылар да су айдындарының жағалауларын тексерген.

ШҚО Төтенше жағдайлар департаменті баспасөз қызметінің мәліметіне сүйенсек, 4 маусым күні ер адамның денесі Ертіс өзенінен табылды.

«Мәйіт өзеннің Приреченское ауылдық округінің Мұздыбай ауылындағы тұсынан табылған. Болжам бойынша ол суға түсіп жүріп батып кетті», - деп хабарлады ведомство өкілдері.

Жыл басынан бері өңір бойынша 5 адам суға кеткен. Құтқарушылар тұрғындарға суда қауіпсіздік ережелерін қатаң сақтау қажеттігін ескертеді.

Естеріңізге сала кетейік, осыған дейін Риддер тұрғыны үйінің ас бөлмесін есірткі қоймасына айналдырғанын хабарлаған едік.
Ұқсас жаңалықтар
Атырау облысында ер адам Жайық өзеніне батып кетті
2022 жылғы 9 тамыз 07:40

Атырау облысында ер адам Жайық өзеніне батып кетті

АТЫРАУ. ҚазАқпарат – Атырау облысының Махамбет ауданында ер адам Жайық өзеніне батып кетті, деп хабарлайды ҚазАқпарат.

«Атырау облысының Төтенде жағдайлар департаментінің өкілдері 8 тамыз күні сағат 17:42-де Махамбет ауданына қарасты Талдыкөл ауылынан 5 км жерде Жайық өзенінде 1977 жылы туған ер адамның мәйітін іздеуге шықты. Ол сағат 16:00-дер кезінде арнайы белгіленбеген жерде суға шомылып жүріп, өзенге батып кеткен. Сағат 18:00-де ер адамның мәйіті табылып, полицияға жеткізілді»,-деп хабарлады Атырау облыстық Төтенше жағдайлар департаментінің баспасөз қызметі.

Атырау облыстық Төтенше жағдайлар департаменті өңір тұрғындарын суға шомылу кезінде қауіпсіздік ережелерін қатаң сақтауға және арнайы белгіленбеген жерлерге суға түспеуге шақырады.

Осыған дейін Атырау облысында жыл басынан бері 14 адамның суға кеткені туралы хабарланған еді.

Түркістан облысында 15 жасар бала Арыс өзеніне батып кетті
2022 жылғы 8 тамыз 18:40

Түркістан облысында 15 жасар бала Арыс өзеніне батып кетті

ТҮРКІСТАН. ҚазАқпарат - Арыс өзенінің бойындағы шомылуға тыйым салынған аймақта суға түскен бала қаза тапты, деп хабарлайды ҚазАқпарат тілшісі.

Оқиға Ордабасы ауданы Темірлан ауылынан бір шақырым жердегі Арыс өзенінің бойында болған.

2007 жылы туған жасөспірім отбасымен демалыс өткізу кезінде шомылуға тыйым салынған орында суға түсіп, қайтадан шықпаған.

«Түркістан облысы төтенше жағдайлар департаментінің жедел-құтқару жасағына қарасты құтқарушылар мен сүңгуірлер баланың мәйітін судан алып шықты. Оқиға орнындағы баланы іздеу жұмысына Түркістан облысы ТЖД 2 қызметкері мен бір техникасы және жедел құтқару жасағының 5 құтқарушысы, полиция департаментінің 4 қызметкері жұмылдырылды» - делінген Түркістан облысы ТЖД баспасөз қызметі таратқан хабарламада.



СҚО жағажайларында ішімдік ішкендерге 300-ден астам айыппұл салынды
2022 жылғы 5 тамыз 14:39

СҚО жағажайларында ішімдік ішкендерге 300-ден астам айыппұл салынды

ПЕТРОПАВЛ. ҚазАқпарат – Солтүстік Қазақстан облысында суда болатын оқыс оқиғалардың алдын алу үшін құтқарушылар биыл 7 мыңнан астам рейд өткізді. Жағажайда спирттік ішімдік ішкендерге 316 хаттама толтырылды, деп хабарлайды ҚазАқпарат тілшісі.

СҚО төтенше жағдайлар департаменті азаматтық қорғаныс басқармасының бастығы Марат Мұратовтың айтуынша, жыл басынан бері өңірде 5 адамның ажалы судан болса, соның біреуі – бала. 31 адам құтқарылды. Былтыр суға кеткен 22 адамның алтауы бала.

Кеше Петропавл маңындағы Пестрое көлінде 25 жастағы жігіт суға батып кетті. Олар қалалық жағажайдан бөлек, арнайы жарақтандырылмаған жерде шомылған. Көлде кезекшілік етіп жүрген құтқарушылар қайықпен барып, мұның қауіпті екенін айтып ескерткенімен, жастар демалысты жалғастырған.

«Жастар катамаранды жалға алып, жүзген. Жағадан шамамен 8 метрге алыстап кеткен. Ол жерде көлдің тереңдігі 2,5-3 метрге жетеді. Осылайша 25 жастағы жігіт катамараннан құлап кеткен. Алғашында оны қасында болған достары құтқармақ болды. Бірақ еш нәтиже шықпаған соң ғана құтқарушыларды шақырыпты. Сондықтан олар кеш жеткен. Судан жігіттің денесін алып шығып, алғашқы медициналық көмекті көрсеткенмен еш нәтиже шықпады. Оқиға орнына шақыртылған жедел жәрдем де жігітті аман алып қала алмады», - дейді Марат Мұратов.

Маманның айтуынша, өңірде суға батқан адамдардың барлығы арнайы жарақтандырылмаған жерде суға шомылған. Осындай қайғылы жайттардың алдын алу үшін жыл басынан бері құтқарушылардың, полицейлер мен волонтерлердің көмегімен 7 мыңнан астам рейд жүргізілген. Нәтижесінде суды ортақ пайдалану ережелерін бұзған, яғни 324 бап бойынша 527 хаттама толтырылған, ал 440-бап – «спирттік ішімдік ішу» бойынша 316 хаттама толтырылып, айыппұл салынды.


Jańalyqtar

Үрдіс

MURAǴAT