+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Семей өңірінде бір күнде 18 тұрғыннан тері рагы анықталды

2019 жылғы 30 мамыр 08:57
Бөлісіңіз:
 Семей өңірінде бір күнде 18 тұрғыннан тері рагы анықталды

СЕМЕЙ. ҚазАқпарат - Семей өңірінің тұрғындары терінің қатерлі ісігіне тегін тексерілді. Нәтижесінде тек бір күннің ішінде 18 тұрғыннан меланома және тері қатерлі ісігі анықталды, деп хабарлайды ҚазАқпарат.

Семей Ядролық медицина және онкология орталығы мен өңірдің барлық емханаларында ашық есік күні өтті. Қабылдау өңірдің 13 медициналық мекемесінде жүргізілді. Ал Семей қаласында алты емханада ұйымдастырылды. Нәтижесінде 732 тұрғын онколог мамандарға қаралып, тегін кеңес алды.

Бір күнде тексерілуге келген тұрғындардың 18-інен меланома және тері қатерлі ісігі анықталды. 114 адамнан ісік алды ауруларының белгілері мен 251 басқа ауру түрлері тіркелді. Қосымша тексеруден өткен науқастар емделуге жіберілді.

«Жалпы, 2019 жылдың 4 айының қорытындысы бойынша Семей өңірінде сүт безі қатерлі ісігінен кейін тері қатерлі ісігі екінші орынды тұр. Жыл басынан бері 60 тұрғынға осы диагноз қойылды. Мамандар ауруды ерте кезеңде анықтау үшін тұрғындарды дер кезінде тексерілуге келуге кеңес береді»,-делінген Семей Ядролық медицина және онкология орталығы таратқан ақпаратта.

Айта кетейік, жыл сайын Семейдегі Ядролық медицина және онкология орталығында обыр дертіне шалдыққан шамамен 5 мың адам емделеді. Тағы 42 000 науқасқа консультативтік көмек беріледі.

Біздің каналымызға жазылыңыз:

Бөлісіңіз:

Автор:

Бағым Ғалымбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT