Валюта бағамдары:
    usd/kzt 476.18 eur/kzt 485.56

    rub/kzt 7.76 cny/kzt 70.34
Ауа райы:
Нұр-Сұлтан: 1 °С
Алматы: 15 °С

Семей көшелерінде қазақ тіліндегі жарнамалардан 70-тен астам қате табылды

2022 жылғы 21 ақпан 05:19

СЕМЕЙ. ҚазАқпарат – Семей қаласының көшелерінде қазақ тіліндегі көрнекі жарнамалардан 70-тен астам қате анықталды, деп хабарлайды ҚазАқпарат тілшісі.

«Тіл саясатын іске асырудың 2020-2025 жылдарға арналған мемлекеттік бағдарламасы бойынша Семейде іс-шаралар жоспары бекітілген. Нәтижесінде тілдерді оқыту орталықтарында былтыр 719 адам қазақ тілін тегін үйренді. Арнайы жүргізілген сауалнама қорытындысы бойынша шаһарда мемлекеттік тілді меңгерген тұрғындардың үлесі – 98% құрап отыр», - делінген қалалық Ақпарат орталығы таратқан мәліметте.

Мемлекет басшысы Қасым-Жомарт Тоқаевтың «Мемлекеттік тілді ұлтаралық қатынас тіліне айналдыру» идеясын жүзеге асыру мақсатында «Тіл қорғандары» еріктілер тобы құрылған. Бұл топ түрлі салаларда қазақ тілін қолдану кезінде жіберілген қателіктерді анықтаумен айналысады.

«Өткізілген мониторингілер барысында 302 объект қамтылды. Шара аясында заңнама талаптары түсіндіріліп, Семей қаласының тілдерді оқыту орталығымен әзірленген сөздіктер таратылды. Көшелердегі көрнекі жарнамалардан 74 қате анықталды. Бүгінде 48 объекті олқылықтың орнын толтырды», - деді қалалық Мәдениет және тілдерді дамыту бөлімінің басшысы Назерке Аққожина.


Автор:

Талғатжан Мұхаметбекұлы

Новости по теме
Ұқсас жаңалықтар
Серіктестер жаңалықтары