SCAT өкілдері Токиоға билет сатып алуға қатысты туындаған мәселеге пікір білдірді

НҰР-СҰЛТАН. ҚазАқпарат - SCAT Токиоға билет сатып ала алмау төңірегіндегі түсінбестікке қатысты пікір білдірді, деп хабарлайды ҚазАқпарат тілшісі.

«Қазіргі уақытта рейс жүйеге енгізілді. Билетті таяу уақытта сатып алуға болады», - деді ҚазАқпарат тілшісіне SCAT әуе компаниясының ресми өкілі Виктория Старожилова.

Айта кетейік, бұған дейін әлеуметтік желіде SCAT әуе компаниясының ресми сайтынан Нұр-Сұлтан-Токио рейсіне билет сатып алу мүмкін емес екендігі жазылған болатын.

Естеріңізге сала кетейік, ҚР Парламентң Сенатында өткен көлік-логистикалық қызметтерді дамытуға арналған дөңгелек үстел отырысында ҚР Индустрия және инфрақұрылымдық даму вице-министрі Берік Камалиев 6 шілдеден Нұр-Сұлтан-Токио бағытында әуе рейстерінің орындалатындығын айтқан болатын.

«6 шілдеде «СКАТ» әуе компаниясы мемлекеттік қолдаумен және субсидиялаумен Токиоға рейстер ұшырады. Сондықтан виза болған жағдайда осы рейстің мүмкіндігін пайдалануға болады»,- деген еді вице-министр.