+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Сайлаухан Аухадиев: Сарабдал саясатты жалғайтын салмақты адам келді

2019 жылғы 12 маусым 18:23
Бөлісіңіз:
Сайлаухан Аухадиев: Сарабдал саясатты жалғайтын салмақты адам келді

ӨСКЕМЕН. ҚазАқпарат - Өскемен қаласы ақсақалдар кеңесінің төрағасы Сайлаухан Аухадиев ҚР Президенті Қасым-Жомарт Тоқаевтың қызметіне кіріскен күнін ел тарихындағы елеулі кезең деп бағалайды. Өңірге белгілі ақсақал бұл туралы ҚазАқпарат тілшісіне айтты.

«Президентті ұлықтау салтанатын үй-ішімізбен отырып, көгілдір экраннан тамашаладық. Отбасымызбен қатты қуанып жатырмыз. Бірге жүрген ақсақалдармен осы жөнінде ой бөліскенмін. Олар да бүгін қазақ халқы үшін өте бақытты күн болғанын айтып жатыр. Жаңа Президенттің қадамы Қазақстан үшін сәтті болсын. Сексенге келген қария ретінде дастархан басында жақсы ырыммен бата жасадым», - дейді қария.

Қалалық ақсақалдар кеңесінің төрағасы осы жасқа дейін билік ауысқан бірнеше кезеңді бастан өткергенін айтады. Көпті көрген көнекөз ақсақал жаңа Президенттің қазақ елі үшін қандай басшы болатынын да болжады.

«Осы жасқа келгенше бірнеше жүйенің ауысқанын көріппіз. Қасым-Жомарт Тоқаев - жер шарындағы мемлекеттердің барлығына танымал тұлға. Тоқаев басқарған кезеңде елімізде бейбітшілік сақталады деп күтемін. Халықтың әл-ауқаты барлық салада жақсаратынына сенімдімін. Өйткені сайлау кезінде бағдарламасын бүге-шүгесіне дейін електен өткіздім. Өзі айтқандай, ол сөздің емес, істің адамы. Сондықтан, ел болашағы жарқын болып, экономикамыз қарқынды дамиды деп ойлаймын. Тұңғыш Президенттің сарабдал саясатын жалғастыратын салмақты адам келгені көңілімізге сенім ұялатты», - дейді Сайлаухан Аухадиев.

Айта кетейік, бүгін елордадағы Тәуелсіздік сарайында жаңадан сайланған Қазақстан Президенті Қасым-Жомарт Тоқаев Қазақстан халқына ант берген болатын.

Біздің каналымызға жазылыңыз:

Басты сөздер: Қоғам,
Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT