Сайлаудан, келешектен жақсылық күтемін - Асылы Осман

АЛМАТЫ. ҚазАқпарат - ҚР Еңбек сіңірген қайраткері, Қазақстан халқы Ассамблеясының мүшесі Асылы Осман Алматы қаласындағы №64 сайлау учаскесіне барып, елдің тағдырына ықпал етер маңызды шешімді қабылдауға атсалысты, деп хабарлайды ҚазАқпарат тілшісі.

«Бұл сайлау елдің тағдырын айқындайды. Бүгін тайлы-тұяғымызбен өз таңдауымызды жасадық. Елдің алдында жүрген аға буын өкілдері өздерінен кейінгілерге үлгі-өнеге көрсететін шақ келді. Сайлаудан, келешектен жақсылықты күтемін», - деді Асылы Осман.

Айта кетейік, Алматыда 600 сайлау учаскесі жұмыс істеп тұр. Қалада 1 миллион 176 мыңнан астам адам дауыс бере алады. Ал тұрғылықты тіркеуі жоқ азаматтар үшін 55 дауыс беру учаскесі жұмыс істейді.