Сайлау-2021: Франция мен Бельгияда қазақстандықтар дауыс беріп жатыр
Сайлау учаскесі Қазақстан Республикасының Франциядағы Елшілігі жанынан ұйымдастырылды.
Қазақстан Республикасындағы сайлау туралы» ҚР Конституциялық Заңының 38-бабының 1-тармағына сәйкес, дауыс беру Париж уақыты бойынша сағат 07:00-ден 20:00-ге дейін өткізіледі.
Дауыс берушілер тізімінде 121 ҚР азаматы бар.
Оның ішінде дипломаттар, қазақстандық студенттер және Францияда тұрақтап қалған отандастар бар.
Ал Бельгиядағы №241 сайлау комиссиясының төрағасы Ерболат Сембаев дауыс беру коронавирус жұқтыруды болдырмайтындай етіп ұйымдастырылғанын хабарлады.
«Біз санитарлық қауіпсіздік шараларын қабылдадық: кабиналар желдетіліп, санитайзер орнатылды, сондай-ақ температура өлшеніп, дауыс берушілердің әлеуметтік арақашықтығы сақталады. Пандемияға байланысты Бельгия бірқатар карантин шараларын енгізді, осыған байланысты дауыс берушілердің саны аз болады деп күтілуде», - деді Е. Сембаев.
Қазақстандық студенттердің көпшілігі қашықтан білім алады, сондықтан олар қазір Қазақстанда. Осында қалған студенттер өз даусын бере алады