Қолданушы баптаулары
Қолданушы баптаулары
+7 (701) 759 90 19 Лента
USD 383.01 EUR 430.12
RUB 6.10 CNY 55.70
Jańalyqtar

Сайлау-2019: «Аманат» азаматтық платформасы 18 заңбұзушылық бойынша акт толтырған

2019 жылғы 9 маусым 22:43 812
Бөлісіңіз:
Сайлау-2019: «Аманат» азаматтық платформасы 18 заңбұзушылық бойынша акт толтырған

НҰР-СҰЛТАН. ҚазАқпарат - «Аманат» азаматтық формасы сайлау күнгі жұмыстарының аралық қорытындысымен бөлісті, деп хабарлайды ҚазАқпарат тілшісі. 

Платформа жетекшісі Мұрат Әбеновтің айтуынша, топ атынан 11045 байқаушы  сайлау учаскелерінде 1,5 ай бойы жұмыс жүргізген.

«Талай сайлауды көріп келеміз. Биылғысы ерекше болды. Азаматтардың саясатқа қызығушылығы артқанын байқадық. Сын көзбен қарайтын адамдарды көп кездестірдік. Негізі біз заңбұзушылықтарды көзге шұқып көрсетуден бұрын, оның себептерін анықтап, алдағы уақытта болдырмаудың жолын қарастырдық. Кемшіліктер мен заңбұзушылықтар болды. Әлі де жинақтап, топтастырып жатырмыз. 18 күрделі заңбұзушылық анықтадық. Бюлетеньдерді топтаған 8 оқиға тіркелді. Сондай-ақ, 165 ауызша ескерту жасалып, сол сәтте жойылды», - дейді Мұрат Әбенов.

Азаматтық платформа мүшесі Шыңғыс Лепсібаев бюлетеньдерді топтап тастау деректері Шығыс Қазақстан, Маңғыстау, Қызылорда облыстары мен Алматы, Нұр-Сұлтан, Шымкент қалаларында орын алғанын айтады. Платформаның тағы бір мүшесі Әкім Тұрсын аталмыш заңбұзушылықтар дер кезінде анықталып, жолы кесілгенін айтады.

«Біз анықтаған деректердің барлығында бюлетеньдердің топтап тасталуына жол берілген жоқ. Ол оқиғалар бойынша да акт толтырылып, құзырлы органдарға берілді. Егер заңсыздықтар дәлелденсе, жауапты адамдар заң алдында жауап береді», - дейді Әкім Тұрсын.

Азаматтық платформа өкілдері бұл мәліметтердің барлығы аралық қорытынды екенін атады. Жалпы сайлау күніндегі жұмыстардың толық қорытындысы ертең жарияланбақ.

 

 

Біздің каналымызға жазылыңыз:

Басты сөздер: Сайлау 2019,
Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT