Сәуірдің соңына дейін Алматыға 400 мыңға жуық доза вакцина жеткізіледі

АЛМАТЫ. ҚазАқпарат - Сәуір айында Алматыға шамамен 400 мың доза вакциналар жеткізіледі деп күтілуде. Мұндай деректерді Алматы қалалық қоғамдық денсаулық сақтау басқармасының бастығы Нариман Табынбаев келтірді, деп хабарлайды ҚазАқпарат тілшісі.

«Алматыда вакцинация басталғалы 68650 вакцина келді. Екпені 49160 адам салдырды. Қазір қалада 19 490 вакцина бар. Бізге 13 сәуірге дейін 69 мың вакцина келу керек. Айдың соғына дейін тағы 300 мыңнан астам вакцина алу жоспарланып отыр. Бұл сан әлі нақтыланатын болады, қазір арнайы штаб құрылды. Бұл дозалардың барлығы вакцинация пункттеріне таратылады», - деді Нариман Табынбаев ОКҚ өткен брифингте.

Бұған дейін, Алматыда коронавирусқа қарсы вакцина салдырудың алгоритмі түсіндірілген болатын.