+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Саудиялық ханзада мұнайдың таусылатынын ескертіп, балама қуат көздеріне мән беруді ұсынады

2013 жылғы 30 шілде 00:07
Бөлісіңіз:
Саудиялық ханзада мұнайдың таусылатынын ескертіп, балама қуат көздеріне мән беруді ұсынады

АСТАНА. 30 шілде. ҚазАқпарат - Саудиялық ханзада әрі тасы өрге домалаған кәсіпкер әл-Уәлид бин Талал Твиттер әлеуметтік желісі арқылы осы елдің мұнай министрі Әлі әл-Наимге ашық хат жолдады. Бұл хат билік басындағы барлық азаматтарға арналған десе де болады. Онда ел экономикасын әртараптандыру мәселесі төтесінен қойылған.

«Король Абдолланың жиені өз жолдауында ел бюджетінің бүйірі тек мұнайдан түскен табыстан шығып отырғанын тілге тиек еткен. Санмен өрнектегенде Сауд Арабиясы бюджетінің 92 пайызы тек мұнайдан түскен пайдадан құралады екен. Бұған қоса, ОПЕК-ке мүше елдерде өндірілетін мұнайға деген сұраныс дамыған мемлекеттерде қатпарлы газға (табиғи газға қарағанда өндірілуі әлдеқайда қиын болғанына қарамастан оның қоры айтарлықтай мол) байланысты күрт төмендеп кететін көрінеді», - деп жазады muslim.kz сайты.

Айтылған мәселеге орай ханзада ерте бастан қамданып, ел экономикасын реформалау туралы мәселе көтерген. Соның ішінде, күн және ядролық қуат көздерін дамыта отырып, ішкі нарықта мұнайдың үлесін азайтуды ұсынып отыр. Сондай-ақ, ханзада мұнайды сатудан түскен валюталық қорды басқару үшін тәуелсіз қор құрудың қажеттілігіне тоқталған. Аталмыш қордың мөлшері 2013 жылы 676 млрд. долларға жеткен болатын. Әлемдегі қалтасы қалың миллиардерлердің аты-жөнін жыл сайын жариялап отыратын Forbes журналының тізімінде әл-Уәлид бин Талал 26-шы орынға табан тіреген екен. Оның дәулеті 20 млрд долларға бағаланып отыр.

Біздің каналымызға жазылыңыз:

#Әлем  
Бөлісіңіз:

Автор:

Қанат Мәметқазыұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT