Сауда-өнеркәсіп палатасына қатысты заң жобасы Мәжіліске жіберілді
деп хабарлайды ҚазАқпарат.
Сенатор Талғатбек Абайділдиннің айтуынша, заң жобасы белгілі бір тауарға берілетін сертификатты және сауда-өнеркәсіптік палата қызметін жетілдіру мақсатында әзірленген. Бұл мәселе еліміздің Дүниежүзілік сауда ұйымына кіруіне және сауда-өнеркәсіп палаталары қызметіне қатысты қолданыстағы заңнаманы бірегейлендіру мен үйлестіру қажеттігінен туындап отыр. Заң
жобасы тауардың шығарылуы туралы сертификатты беру қызметін мемлекеттік органнан алып, сауда-өнеркәсіп палатасына беру шарасын қарастырады. «Өз кезегінде ол экономикалық қызмет саласында мемлекет пен мемлекеттік емес органдардың арасындағы өкілеттіктің арасын ажыратуға жағдай жасайды», - деді сенатор.
Отырыс барысында депутаттар құжатқа редациялық және нақтылау сипатында бірқатар өзгерістер енгізу қажет деп шешіп, оны Мәжіліске қайтаруға байлам жасады.