Сауд Арабиясында фототілшіні шапалақпен тартып жіберген корольдің көмекшісі жұмыссыз қалды

АСТАНА. ҚазАқпарат - Сауд Арабиясының королі Салман ибн Әбдул-Әзиз Эр-Риядқа келген Марокко королі Мұхаммед VI-ны суретке түсірген фототілшіні бетінен шапалақпен тартып жібергені үшін корольдік хаттама қызметінің басшысы Мохаммед Тобайшиді жұмыстан шығарып жіберді, деп жазады «ВВС» агенттігі.

Шара кезінде жасалған бейнежазбада Тобайшидің екі монархтың Сауд Арабиясы астанасының әуежайында бір-бірімен амандасқан сәтінде тілшінің бетінен шапалақпен тартып жібергені көрініп тұр.

Бұл бейнежазба жарияланған соң, ел тұрғындары корольден көмекшісіне қатысты шара қолдануды сұраған. Монарх көп ойланбастан Мұхаммед Тобайшиді жұмыссыз қалдырды.