Сауд Арабиясында әйелдерге ерлерінің рұқсатынсыз саяхаттауға рұқсат берілді

НҰР-СҰЛТАН. ҚазАқпарат – Сауд Арабиясының билігі әйелдерге ерлерінің рұқсатынсыз шетелге шығуға рұқсат берді, деп хабарлайды Okaz басылымы.

Билік 21 жастан асқан әйелдерге төлқұжат алып, қамқоршының рұқсатынсыз елден шығуға мүмкіндік беретін құжаттар мен азаматтық мәртебе туралы заңға енгізілген түзетуді мақұлдады.

Қамқоршылық амалына сәйкес, әйелдер төлқұжат алуға өтініш бергенде немесе елден шығатын кезде, тұрмыс құрарда әкесінен немесе күйеуінен, кейде ағасынан немесе ұлынан рұқсат алуы керек болған.

Басылымның атап өтуінше, түзетулер қамқорлық жүйесін бұзбайды, дегенмен осы бағыттағы айтарлықтай өзгеріс болып отыр.