+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

Сарыөзендік супермен: 82 жастағы ақсақал ауылдастарын қар құрсауынан құтқарып жүр

2019 жылғы 21 қазан 15:01
Бөлісіңіз:
Сарыөзендік супермен: 82 жастағы ақсақал ауылдастарын қар құрсауынан құтқарып жүр

НҰР-СҰЛТАН. ҚазАқпарат - «NurOtan» партиясының өкілдері Қарағанды облысы Тікенекті ауылының 82 жастағы тұрғыны туралы айтып берді, деп хабарлайды «ҚазАқпарат» тілшісі.

Ұқсас жаңалықтар
Нұр-Сұлтан мен Алматыда митинг өтті СҚО жолдарына патрульдік автокөліктердің макеті қойылды Дәурен Абаев Nur Otan-да азаматтарды қабылдады

82 жастағы Миниағзам Авлирямов әлі күнге дейін ДТ-75 тракторын жүргізеді. Қарапайым қария ауылдастарына жазда шөп шабуға көмектеседі, ал қыста қар басқан жолдарды тазалайды. Ол жұмыстың бәрін тегін істейді.

Кейіпкеріміз тұратын ауыл аудан орталығынан 320 шақырым жерде орналасқан. Арнайы техника аудан орталығынан Тікенектіге жеткенше қар құрсауында жатқан елдімекен өркениеттен ажырап қалуы мүмкін.

«60 жыл бұрын Сарыөзен совхозына тракторшы болып жұмысқа тұрдым, қазір ауыл Тікенекті деп аталады. Мұндағы алғашқы ағаштарды біз ектік, алғашқы үйлердің іргетасын біз қаладық десем, артық айтқаным емес. Осы ауылда үйлендім, үй болдым, бес бала тәрбиеледім. Мен өз тракторыма (ДТ-75) Дос-Темір деп ат қойғам. Тракторсыз өмірімді елестете алмаймын. Оның моторының гүрілі мен үшін жүрегімнің дүрсілі сияқты. Ешқашан мақтау мен марапат сұраған жоқпын. Тек менің ақ-адал тіршілігім жастарға үлгі болса екен», - дейді Миниағзам ата.

Ауылдастары да Миниағзам ата жайлы тек жақсы пікірде. Олар үшін ақсақал – жол тазалаушы ғана емес, нағыз құтқарушы.

«Ол кісі бізге өте жақын адам. Миниағзам атаның арқасында қыста 300 үйдің жолы ашық. Облыс орталығында оқитын балалар уақытымен отбасына оралады, жедел жәрдем де үздіксіз келіп-кетіп жатады. Ал немелеріміз оны «Сарыөзендік Супермен» деп атайды», - деп ағынан жарылады ауыл тұрғыны Алмаш апай.




Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT