Сарыағашта дүкенге түскен ұры 15 мың теңгенің балмұздағын жеп кеткен

АСТАНА. ҚазАқпарат - Түркістан облысының Сарыағаш аданында дүкендердің біріне ұрлыққа түскен әйел 15 мың теңгенің балмұздағын жеп кеткен, деп хабарлайды yujanka.kz.

Қызық жағдай Түркістан облысының Сарыағаш ауданында болған. Иесі таңертең дүкенін ашқан кезде іші астаң-кестең болып жатқанын байқайды. Балмұздақтардың қағаздары жан-жаққа шашылып, тәтті сақталған кішігірім тоңазытқыштың іші босап қалған, ыдыс-аяқтар сынған. Мұны көрген дүкеннің иесі полицияға хабарласады.

Сарыағаш АІІБ-нің жедел қызметкерлері балмұздақ жеуден «рекорд жасаған» азаматшаны ізін суытпай ұстады. Күдікті Ақмола облысының тұрғыны болып шықты. Дәл қазір ол ҚР ҚК-нің «Ұрлық» бабы бойынша тергелуде.