Сәрсенбіде елімізде жел күшейеді, солтүстік өңірлерде боран соғады
Қостанай облысының кей жерлерінде жаяу бұрқасын, тұман, көктайғақ күтіледі, күндіз жел 18 м/с күшейеді.
Ақмола облысының кей жерлерінде бұрқасын күтіледі жел 15-20 м/с күшейеді, жолдарда көктайғақ болады.
Қарағанды облысының кей жерлерінде тұман, көктайғақ, жаяу бұрқасын соғуы ықтимал.
Шығыс Қазақстан облысының кей жерлерінде жел 15-20 м/с күшейіп, бұрқасын болады, түнде және таңертең тұман күтіледі.
Алматы облысының Жалаңашкөл ауданында жел 15-20, күндіз екпіні 25 м/с күшейеді, түнде кей жерлерінде тұман күтіледі.
Жамбыл облысының кей жерлерінде тұман күтіледі, жел 15-20 м/с күшейеді, түнде және таңертең көктайғақ болады.
Түркістан облысының кей жерлерінде тұман болып, жел 15-20 м/с күшейеді. Қызылорда, Маңғыстау, Атырау, Батыс Қазақстан, Солтүстік Қазақстан облыстарының кей жерлерінде тұман, көктайғақ күтіледі.
Ақтөбе, Павлодар облыстарының кей жерлерінде тұман күтіледі.