07:14, 06 Маусым 2018 | GMT +6
Сәрсенбі күні Қазақстанның 6 қаласында ауа сапасы нашарлайды
АСТАНА. ҚазАқпарат - Сәрсенбі, 6 маусым күні қалыптасатын метеорологиялық жағдайлар Қазақстанның 6 қаласында ластаушы заттардың шоғырлануына ықпал етеді, деп хабарлайды ҚазАқпарат «Қазгидромет» РМК-на сілтеме жасап.
Синоптиктердің мәліметтері бойынша, Атырау, Балқаш, Қарағанды, Талдықорған, Теміртау, Шымкент қалаларында жайсыз метеорологиялық жағдайлар қалыптасады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың жиналуына ықпал ететін қысқамерзімді метеофакторлардың (тымық, жеңіл жел, тұман, инверсия) үйлесімі.
ҚМЖ жағдайында елді мекендердегі атмосфералық ауаның сапасы нашарлауы ықтимал.