Сәрсенбі күнгі ауа райы болжамы

АСТАНА. ҚазАқпарат – «Қазгидромет» РМК 25 қаңтар күнге ауа райы болжамын ұсынды, деп хабарлайды ҚазАқпарат.

«Кең ауқымды солтүстік-батыс антициклонының әсерінен Қазақстан Республикасының басым бөлігінде жауын-шашынсыз күн райы сақталады. Еліміздің тек солтүстігі мен шығысында атмосфералық бөліктердің өтуімен қар жауады, жаяу бұрқасын болып, жел күшейеді. Солтүстігінде, батысында және оңтүстігінде тұман күтіледі.

Түнде Жетісу облысының солтүстігінде, таулы аудандарында 28 градус қатты аяз болжанады», - делінген синоптиктер мәліметінде.