+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Сарайшықта Қасым ханға монументалды ескерткіш орнатылады – Асқар Мамин

2019 жылғы 14 қараша 13:48
Бөлісіңіз:
Сарайшықта Қасым ханға монументалды ескерткіш орнатылады – Асқар Мамин

НҰР-СҰЛТАН. ҚазАқпарат – Сарайшық қалашығының маңында Қасым ханға монументалды ескерткіш орнатылады. Бұл жайында ҚР Премьер-Министрі Асқар Маминнің Мәжіліс депутаттарына берген жауабында айтылған деп хабарлайды ҚазАқпарат тілшісі.

Ұқсас жаңалықтар
Моңғолия Халықаралық Түркі академиясына бақылаушы болу ұсынысын қарастырады Қазақстан Алтын орданы жекешелендіріп алуды ойлап отырған жоқ - тарихшы Дәурен Абаев СҚО-да табылған көне мазар туралы айтты

Айта кетерлігі, Премьер-Министрге ресми сауал жолдаған депутаттар Сарайшық қалашығына арналған Үкіметтің арнайы кешенді шешім қабылдауын сұраған болатын.

Аталған сауалға жауап берген Үкімет басшысы «Сарайшық» мемлекеттік тарихи-мәдени мұражай-қорығы» РМҚК қызметін қамтамасыз етуге республикалық бюджеттен 52,2 млн теңге қарастырылғанын айтады. Сондай-ақ музей-қорық көрсетілетін ақылы қызметтен түскен табысты белгіленген тәртіппен қызметті дамытуға пайдаланады. Сарайшық қалашығын консервациялау мен қалпына келтіруді қамтамасыз ету үшін 2020-2022 жылдарға арналған республикалық бюджет жобасында 58 млн теңге және музей-қорықтың қызметін қамтамасыз етуге 163,1 млн теңге қарастырылды. Мұнан бөлек Мәдениет және спорт министрлігіне 2020-2022 жылдарға арналған республикалық бюджетті нақтылау кезінде музей-қорықтың материалдық техникалық базасының мәселелерін қосымша қарау тапсырылды.

«2020 жылы республикалық деңгейде Алтын Орданың 750 жылдығын мерекелеу жоспарланып отыр. Осыған байланысты 2020 жылға арналған тиісті жоспар жобасы әзірленді. 2019 жылғы 10-11 қазанда музей-қорықта Түркия, Ресей, Қытай, Германия елдерінің отандық және шетелдік ғалымдарының қатысуымен «Жошы ұлысы және Сарайшық-Қазақ мемлекеттілігінің бастауында» атты халықаралық ғылыми-тәжірибелік конференция өтті. Осы іс-шара аясында Музей-қорықтың виртуалды нұсқасы таныстырылды. Келесі жылы музей-қорықта Керуен сарайдың, ортағасырлық Сарайшық қалашығы цитаделінің қақпасын қалпына келтіру және Сарайшық қалашығының маңында Қасым ханға монументалды ескерткіш орнату сияқты іс-шаралар өткізу жоспарлануда», - деп атап өтеді Үкімет башысы.

А.Маминнің атап өтінше, қазіргі уақытта ғылыми-реставрациялау жұмыстарын жүргізуге ғылыми-жобалау құжаттамасы әзірленіп жатыр. Сондай-ақ 2020 жылы ортағасырлық Сарайшық қалашығының қорғау аймақтарын анықтау бойынша жұмыстар жүргізілетін болады.

«Бұдан басқа, 2020 жылы республикалық және өңірлік БАҚ-тарда атаулы күнді міндетті түрде ақпараттық сүйемелдеу жоспарланып отыр. Аталған іс-шаралар музей-қорықтың қызметін жандандыруға бағытталған. Осыған байланысты Сарайшық музей-қорығын дамытуға арналған Үкіметтің жекелеген кешенді шешімін әзірлеу және қабылдау орынсыз», - деді Премьер-Министр.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT