+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Сарапшылар жасөспірімдердің жыныстық сауаты мәселесін талқылады

2020 жылғы 24 ақпан 17:35
Бөлісіңіз:
Сарапшылар жасөспірімдердің жыныстық сауаты мәселесін талқылады

АЛМАТЫ. ҚазАқпарат - Бүгін Алматыда Достық үйінде ҚР Денсаулық сақтау министрі Елжан Біртанов Денсаулық кодексін талқылауға арналған дөңгелек үстел өткізді, деп хабарлайды ҚазАқпарат тілшісі.

Жиын барысында көпшіліктің талқылауына жастардың жыныстық тәрбиесі туралы мәселе шығарылды. Жаңа заң жобасында бұл мәселелер қаралған.

ҚР балалар құқығын қорғау жөніндегі уәкіл Аружан Саин балаларға 16 жасынан бастап ата-анасының қатысынсыз дәрігер кеңесін алуға рұқсат беру қажеттігін алға тартты.

Оның айтуынша, бұл көп балалардың өмірі мен денсаулығын сақтап қалмақ.

Ал ҚР Мәжіліс депутаты, Денсаулық кодексін қарау бойынша жұмыс тобының төрағасы Зәуреш Аманжолова осы бағытта кодекске өзгерістер есепке алынатындығы туралы айтты.

«Бүгін сарапшылардың айтқан статистикасын өздеріңіз естіген боларсыздар. Қазір балалардың 40 пайызы 16-16,5 жаста жыныстық қатынасқа түседі екен. Егер осы жаста бала дәрігерге келсе, дәрігерлер ата-анаңды алып кел дейді. Ал бала ата-анасына айтудан қорқады немесе ұялады. Содан ол қайтып келмейді. Ол қасындағы құрбыларынан, достарынан, интернеттен ақыл сұрай бастайды. Сондықтан консультативтік көмек 16 жастан болуы керек. Бұл осы Кодексте қарастырылатын болады», - деді Зәуреш Аманжолова.

Естеріңізге сала кетейік, жаңа Кодекс жобасын ҚР Мәжілісінің Палата Спикері Нұрлан Нығматулин «Nur Otan» партиясы фракциясының кеңейтілген отырысында талқыға салған болатын.



Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT