+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Сарапшы шетелдік нөмірлі көлік туралы: Президент даулы мәселеге нүкте қойды

2020 жылғы 24 қаңтар 19:11
Бөлісіңіз:
Сарапшы шетелдік нөмірлі көлік туралы: Президент даулы мәселеге нүкте қойды

НҰР-СҰЛТАН. ҚазАқпарат - ҚР Президенті шетелдік нөмірлі көлік мініп жүрген ел азаматтарына үлкен мүмкіншілік жасап отыр.

Ұқсас жаңалықтар
Ақмола облысында екі көлік соқтығысып, 3 адам зардап шекті Қазақстанда бірқатар мемлекеттік органның қызметке қабылдау шарттары жеңілдетілді Қазақстанда шылым шегуге тыйым салынған орындар тізімі кеңейтілді

Мұндай пікірді ҚР Президенті жанындағы Қазақстанның стратегиялық зерттеулер институтының жетекші ғылыми қызметкері Алмас Арзықұлов білдірді, деп хабарлайды ҚазАқпарат тілшісі.

«Соңғы кезде Армения, Қырғызстан, Беларусь, Ресейде тіркеуде тұрғанымен елімізде жүрген көліктерге қатысты келеңсіз жағдай туындаған болатын. Алдымен Ішкі істер министрлігі мұндай көліктердің елімізде жүруіне тыйым салынатындығын немесе жүруіне 1 жыл ғана рұқсат берілетіндігін айтты. Ал бүгін Президент 1 ақпанға дейін елімізге кірген мұндай көліктер уақытша тіркеуге алуды және оны шешуді Ішкі істер министрлігіне тапсырды. Бірақ, бұл уақытша ғана шешім. Уақытша тіркеу келесі жылдың 1 наурызына дейін ғана. Осы уақытқа дейін барлық көлік иесі мемлекетке төленетін төлемдерін төлеп, көліктерін қазақстандық тіркеуге өткізуі керек. Тіркемесе көлігін әкелген жағына жеткізуі тиіс», - деді сарапшы.

Оның атап өтуінше, бүгінде елімізде 170 мыңға тарта шетелдік нөмірдегі көлік бар. Міне, осы көліктердің иелері жол ережесін жиі бұзып жатады.

«Әрине, кез келген көлік иесі жол ережесін бұзуы мүмкін. Бірақ, Қазақстанда тіркелген көліктің иесіне мекенжайы бойынша айыппұл келеді. Ал шетелдік нөмірлі көліктерге айыппұл салынған күннің өзінде оны кімнен өндіріп алу мәселесі туындайды. Өткен жылдың соңына дейін шетелдік нөмірлі көліктерге 1 млрд теңгеге жуық айыппұл салынған екен», - деді ол.

Сонымен қатар Алмас Арзықұлов Қазақстан азаматтары Армениядан көлік алып келген кезде заңбұзушылыққа баратындығын айтады.

«Армениядан көлік алу үшін сіз сол елде тіркеуде тұруыңыз қажет. Ал біздің азаматтар сол жаққа барып, уақытша жалған тіркеуге тұру арқылы көлік алып келіп жүр. Мұның өзі де заңбұзушылық. Сондықтан оны да тоқтау қажет. Жол ережесі туралы заңымыздың 63 және 65-баптарында кез келген сырттан келетін шетелдік автокөлік Қазақстан аумағына кіргеннен кейін 10 күннің ішінде тіркеуге тұруы керектігі жазылған. Ал шетелден көлік сатып алған азаматтардың ешқайсысы заңның бұл бабын орындап отырған жоқ. Көлік шетелдік нөмірде, өздері Қазақстан азаматтары болғанымен көлігін тіркеуге қоймаған. Ал біздің заңда шетелдің азаматы ғана Қазақстанға көлігін уақытша әкеліп, жүргізе алатындығы көрсетілген», - деді ғылыми қызметкер.

Оның атап өтуінше, осындай жағдайда Қазақстан Президенті шетелдік нөмірлі көлікпен жүрген ел азаматтарына үлкен мүмкіндік жасап отыр.

«Міне осы даулы мәселеге Президент нүкте қойды деп айтуға болады. Автокөлік иелеріне 1 жылға мүмкіндік берілмек. Яғни кедендік баж бен утилизациялық соманы бірден төлей алмайтын азаматтарға 1 наурызға дейін қаражат жинап, содан кейін көлігін тіркеуге жағдай жасалды. Бұл ретте Мемлекет басшысының халықтың әлеуметтік жағдайын қаперге алып отырғандығын айта кеткен орынды», - деді Алмас Арзықұлов.

Айта кетейік, бүгінгі Үкіметтің кеңейтілген отырысында Мемлекет басшысы Қасым-Жомарт Тоқаев Қазақстанның заңнамасына сай келмейтін шетелдік көліктерге қатысы мәселені шешуді тапсырған болатын.

фото: kisi.kz/index.
Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT