+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Сарапшы 2025 жылға қарай мұнай өнімдерін ең көп тұтынатын елдерді атады

2019 жылғы 23 қыркүйек 14:04
Бөлісіңіз:
Сарапшы 2025 жылға қарай мұнай өнімдерін ең көп тұтынатын елдерді атады

НҰР-СҰЛТАН. ҚазАқпарат – «GlobalData» (Лондон) компаниясының мұнай және газ бағыты бойынша директоры Радж Шехар 2025 жылға қарай мұнай өнімдерін ең көп тұтынатын мемлекеттерді атады, деп хабарлайды ҚазАқпарат тілшісі.

«Қазіргі уақытта әлем бойынша мұнай қорының 33 пайызы - Таяу Шығыста, 20 пайызы - Солтүстік Америкада, 13 пайызы - ТМД елдерінде, 10 пайызы - Африкада, 7 пайызы - Оңтүстік Америкада, 4 пайызы - Еуропада шоғырланған. Өз аймақтары бойынша Әзербайжан мен Қазақстан мұнайдың ірі экспоршылары ретінде позициясын сақтап отыр. Шикі мұнайды қабылдайтын басты аймақ – Еуропа елдері. Бұл ретте Қазақстанның белсенділігін ерекше атап өту керек. Өзінің географиялық артықшылығын пайдалана отырып, Қазақстан батысында - Каспий теңізі, шығысында - Қытай арқылы мұнай экспортын арттыруды көздейді», - деді Радж Шехар елордада өтіп жатқан «Орталық Азиядағы мұнай өңдеу мен мұнай химиясы» атты халықаралық конференцияда.

«GlobalData» компаниясы өкілінің айтуынша, мұнай өнімдерін тұтыну жағынан 2019 жылы АҚШ көш басында тұрғанымен, 2025 жылға қарай Қытай нарықтың ең үлкен үлесіне ие болады.

«Қытай мен Үндістанның келешекте мұнай өнімдеріне деген сұранысы арта береді. Өздеріңіз білетіндей, баламалы энергия көздерін іздеу, отын мен қалдықтарды шығару бойынша стандарттарды енгізу, қысқа және ұзақ мерзімде сұраныс өсімін шектеу мәселелері бар. Әйтсе де, мотор майы, бензин, дизель отыны, сондай-ақ, төмендетілген мұнай-газ - негізгі сұраныстың басты факторлары ретінде қала береді», - деді ол.

Радж Шехар Орталық Азияда мұнай өнімдеріне сұраныс 30 пайызға артқанын айтады. Сарапшының ойынша, бұл тенденция әлі сақталады.

«Орталық Азия елдеріндегі мұнай өңдеу зауыттарының қуаттылығын арттыру ішкі нарықтың сұранысын қамтамасыз етуге мүмкіндік береді. Аймақ мұхитпен шектесіп жатқан жоқ. Сол себепті, табысты тек экспортты арттырумен ғана көбейтуге болады», - деді «GlobalData» компаниясының мұнай және газ бағыты бойынша директоры.




Біздің каналымызға жазылыңыз:

Басты сөздер: Өнеркәсіп, Экономика, Мұнай,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT