+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Саран қаласында көпбалалы ана «Бастау Бизнес» грантымен ателье ашты

2021 жылғы 31 шілде 23:35
Бөлісіңіз:
Саран қаласында көпбалалы ана «Бастау Бизнес» грантымен ателье ашты

САРАН. ҚазАқпарат – Қарағанды облысында тұратын көпбалалы ана жұмысынан айрылып, өз ісін ашты. Саран қаласының 36 жастағы тұрғыны Оксана Рассказова «Бастау Бизнес» жобасы бойынша кәсіпкерлік негіздерін оқып, жарты миллион теңгеге грант алып, өз мақсатына жетті, деп хабарлайды ҚазАқпарат тілшісі.

Ұқсас жаңалықтар
СҚО-да кәсіпкерлер палатасы мен әкімшілік сот меморандум жасасты Бейнетаспаға түсіріп, жауап алды: Кәсіпкерлер салық органдарының ілкі жобасына наразы Ақтөбелік кәсіпкер 9 оқушысы бар ауылға мектеп салып берді

Оксана — тігінші. Пандемияға дейін ол тігін өндірісінде жұмыс істеді, бірақ өткен жазда ол жұмысынан кетуге мәжбүр болды.

«Пандемия басталған кезде мен жұмыстан кетуге мәжбүр болдым, өйткені балаларым барған балабақшалар жабылды. Менде төрт балам бар. Дәл сол кезде танысымнан «Бастау Бизнес» жобасы туралы білдім. Жұмыспен қамту орталығына барып, онлайн оқуға жазылдым. Мен бұрыннан өз ісімді ашқым келді, бірақ несие алуға қорқатынмын. «Бастау бизнестің» арқасында қажетті білім алып, 555 мың теңгеге грант алып, арманымды жүзеге асыра алдым», – дейді Оксана.

Бұл ақшаға әйел стационарлық тігін және тігін машиналарын, бу генераторын, манекен, кесуге арналған үстел сатып алды, бөлмені жалға алып, ателье ашты. Қазір оның тұрақты клиенттері бар. Ательеде ол жалғыз жұмыс істейді, бірақ болашақта өндірісті кеңейтуді жоспарлап отыр.

«Әрине, табыс әлі де аз, бірақ мен ренжімеймін. Қазір мен өз есімімді танымал ету мақсатында жұмыс істеп жатырмын, клиенттер маған қайта оралуы үшін. Бәрі ойдағыдай болады деп үміттенемін, Мен ең болмағанда бір көмекшіні жұмысқа алмақшымын», – деп бөлісті бастауыш кәсіпкер.

Осы жылдың алты айында Қарағанды облысында «Бастау Бизнес» жобасы бойынша кәсіпкерлік негіздеріне оқытудан 1 299 адам өтті. Оның 397-сі шағын несие алса, 550-і қайтарымсыз грант иегері атанды.

«Жарты жыл ішінде жұмыспен қамту шараларымен 20 мыңнан астам адам қамтылды. Оның 17 мыңнан астамы жұмысқа орналастырылды. Еңбек нарығында сұранысқа ие мамандықтарға қысқа мерзімді оқытуға облыстың 819 тұрғыны жіберілді», – деп хабарлады Қарағанды облысының жұмыспен қамтуды үйлестіру және әлеуметтік бағдарламалар басқармасы.

Биыл Қарағанды облысында жұмыспен қамту шараларымен 76 мыңға жуық тұрғынды қамту жоспарланған.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT