+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Сапархан Омаров ветеринариялық-санитариялық проблеманы айтты

2020 жылғы 20 қазан 10:56
Бөлісіңіз:
Сапархан Омаров ветеринариялық-санитариялық проблеманы айтты

НҰР-СҰЛТАН. ҚазАқпарат – Тексерулерді және бақылаудың профилактикалық ветеринариялық әрі фитосанитариялық түрлерін мораторийден шығару керек. Бұл туралы ҚР Ауыл шаруашылығы министрі Сапархан Омаров айтты, деп хабарлайды ҚазАқпарат тілшісі.

«Ветеринария және фитосанитария саласында қабылданып жатқан шаралармен қатар, ашық түрде қалып отырған бірқатар мәселе бар. Бұл негізінен ветеринариялық-санитариялық және фитосанитариялық бақылау мен қадағалау жүргізуге байланысты. Біріншіден, тексерулерге мораторий енгізілуіне байланысты жануарлардың аса қауіпті ауруларының, карантиндік объектілердің және аса қауіпті зиянды организмдердің республика аумағында пайда болу әрі таралу жағдайларының алдын алу мен жолын кесу мәселесі өте маңызды болып тұр. Бұл жерде ветеринариялық және карантиндік инспекторлар бақылау объектілеріне бара отырып, тексеру және бақылау жүргізулері қажет», - деді министр Үкімет отырысында.

Осы орайда С. Омаров бақылау объектілеріне бара отырып, тексерулерді және бақылау мен қадағалаудың профилактикалық ветеринариялық әрі фитосанитариялық түрлерін мораторийден шығаруды ұсынды.

Бұдан бұрын хабарланғандай, 2020 жылдың 9 айы ішінде Қазақстан Республикасына карантинге жатқызылған өнімнің импорты кезінде өсімдіктер карантині саласында 3 082 ереже бұзушылық анықталды.

Сонымен қатар, Үкімет отырысында Премьер-Министр ветеринария мамандығына білім гранттарын көбейтуді тапсырды.



Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT