+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Сапархан Омаров көктемгі егіс науқанын қаржыландыру жұмыстары туралы айтты

2020 жылғы 17 наурыз 11:53
Бөлісіңіз:
Сапархан Омаров көктемгі егіс науқанын қаржыландыру жұмыстары туралы айтты

НҰР-СҰЛТАН. ҚазАқпарат – Бүгін Үкімет отырысында ҚР Ауыл шаруашылығы министрі Сапархан Омаров көктемгі егіс науқанын қаржыландыру жұмыстары туралы айтып берді, деп хабарлайды ҚазАқпарат тілшісі.

«Аграрлық несие корпорациясы» акционерлік қоғамына агроөнеркәсіптік кешен субъектілерін қолдау жөніндегі іс-шараларды жүргізу үшін республикалық бюджеттен 70 млрд теңге бюджеттік несие бөлінді, бұл өткен жылдардан 10 млрд теңгеге артық. Түпкілікті қарыз алушылар үшін жылдық сыйақы мөлшерлемесі 5 пайыздан аспайды», - деді С. Омаров Үкімет отырысында.

Оның сөзіне қарағанда, агроөнеркәсіптік кешен субъектілеріне несие беруді екінші деңгейдегі банктердің кепілдігімен тікелей корпорация арқылы жүргізу жоспарланып отыр. Сондай-ақ кредит беруді одан әрі агроөнеркәсіптік кешен субъектілерін қаржыландыру үшін өңірлік инвестициялық орталықтардың кепілдігімен екінші деңгейдегі банктерді, кредиттік серіктестіктерді, өңірлік инвестициялық орталықтарды әрі микроқаржы ұйымдарын қорландыру арқылы да жүзеге асыру көзделіп отыр.

«3 млн гектар егіс алаңын қаржыландырумен қамту, 2 400 ауыл шаруашылығы тауарын өндірушіге несие беру жоспарлануда. Қазіргі уақытта 56 млрд теңге сомасына 1 516 өтінім қабылданды, 22,9 млрд теңге сомасына 1,4 млн гектар алаңды қамтитын 258 өтінім қаржыландырылды», - деді Ауыл шаруашылығы министрі.

Бұдан бұрын хабарланғандай, биыл ауыл шаруашылығы дақылдары 22,5 млн гектар алаңға егіледі. Сонымен қатар министр көктемгі егіс науқанына техниканың дайындық деңгейі туралы баяндады. Мұнымен қоса, тұқымды Қазақстаннан алғандар да, шетелдік өндірушілерден тікелей сатып алғандар да субсидиялық қолдауға ие болады.


Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT