+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Сапарбаев төтенше жағдай салдарын жою жөніндегі штаб отырысын өткізді

2020 жылғы 15 ақпан 12:10
Бөлісіңіз:
Сапарбаев төтенше жағдай салдарын жою жөніндегі штаб отырысын өткізді

ТАРАЗ. ҚазАқпарат – Қордай ауданына жұмыс сапары барысында Жамбыл облысының әкімі Бердібек Сапарбаев төтенше жағдайлардың салдарын жою жөніндегі облыстық штабтың отырысын өткізді. Оған құқық қорғау органдарының басшылары қатысты, деп хабарлайды ҚазАқпарат тілшісі.

Ұқсас жаңалықтар
Қазақстан халқы Ассамблеясы Жамбыл облысына азық-түлік жөнелтті Масанчиде қираған үйінділердің астынан адам мүрдесі табылды Тек татулықты ту етіп келген халқымыз ынтымақ-бірлігінен айрылмасын - Қырымбек Көшербаев

Облыстық штабтың мәліметтері бойынша, ауданда болған оқиғалар барысында 185 азамат зардап шекті. Олардың 34-і ауруханаға жатқызылған. Сондай-ақ, 39 тұрғын үй, 20 коммерциялық нысан және 47 автокөлік өртенген.

Биылғы 7-13 ақпан аралығында Қордай, Қарасу, Ауқатты, Сортөбе бақылау-өткізу бекеттері арқылы Қырғыз Республикасына барлығы 23 131 адам өтіп, 21 261 адам кірген.

Ауылдарды тазалау жұмыстарына 250 адам және 53 бірлік техника жұмылдырылып, барлығы 680 тонна құрылыстық қоқыс шығарылды.

Қазіргі уақытта 55 дүкен, 3 дәріхана, 14 жанармай құю бекеттері және 30 басқа да коммерциялық нысан тұрақты жұмыс жасауда.

Жоғалған құжаттарды қалпына келтіру үшін Сортөбе ауылдық округі әкімдігінің ғимаратында мобильді Халыққа қызмет көрсету орталығы құрылды. Ол орталық арқылы бүгінге дейін туу туралы 54 куәлік, 48 жеке куәлік, балаларға арналған 1193 анықтамалық қағаз, жылжымайтын мүлік туралы 15 құжат, неке туралы 8 куәлік, 1 паспорт берілген.

Сонымен қатар, 778 зардап шегуші отбасыға барлығы 57,2 тонна алғашқы қажеттіліктегі заттар мен азық-түліктерден құралған гуманитарлық көмек көрсетілді.

Мүлкі зардап шеккен азаматтарға жалпы 3,9 миллион теңгенің ақшалай көмегі үлестірілген.

Бүгінгі таңда ауданда тұрақты жағдай сақталуда, құқықтық тәртіпті қамтамасыз ету бойынша тиісті жұмыстар жалғасуда.

Отырыс қорытындысы бойынша облыс әкімі Бердібек Сапарбаев тұрғындардың қауіпсіздігін қамтамасыз ету, зардап шеккен нысандарды, мүлікті, құжаттарды қалпына келтіру және елді мекендердегі қалыпты тіршілік жағдайын қамтамасыз ету бойынша бірқатар тапсырмалар берді.

Бұған дейін хабарлағанымыздай, Б.Сапарбаев Жамбыл облысының әкімі ретіндегі алғашқы жұмыс сапарын Қордай ауданына жасады.


Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT