+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Сапарбаев: медициналық сақтандыру дұрыс жұмыс істеу үшін меморгандар бірігуі тиіс

2019 жылғы 5 қыркүйек 11:24
Бөлісіңіз:
Сапарбаев: медициналық сақтандыру дұрыс жұмыс істеу үшін меморгандар бірігуі тиіс

НҰР-СҰЛТАН. ҚазАқпарат - ҚР Премьер-Министрінің орынбасары Бердібек Сапарбаевтың төрағалығымен медициналық сақтандыруды енгізу мәселелері бойынша кеңес өтті, деп хабарлайды ҚР ДСМ баспасөз қызметі.

Ұқсас жаңалықтар
Түркістан облысында инсульт алған әйелдер оңалтудан ақысыз өтеді Атырау дәрігерлері қант диабетінен сақтанудың жолдарын айтты Атырауда 45 жастағы тұрғыннан тыйым салынған дәрі-дәрмек табылды

Бұған дейін Қазақстан Президенті Қасым-Жомарт Тоқаев Үкіметке әлеуметтік медициналық сақтандыруды жүзеге асыру мәселесіне жауапкершілікпен қарауды тапсырған болатын.

Елжан Біртанов Денсаулық сақтау жүйесін медициналық қызметті медициналық сақтандыру бойынша көрсетуге дайындау туралы баяндады.

Қазір дайындық жұмыстары бес негізгі бағыт бойынша жүргізілуде: құқықтық базаны қалыптастыру, Денсаулық сақтау министрлігінің ақпараттық жүйелерін жақсарту, қорға аударылған ақшаға мониторинг жүргізу және сақтандырылған адамдарды есептеу, ақпараттық-түсіндіру жұмыстары, Қарағанды облысында медициналық сақтандырудың пилоттық жобасын енгізу.

1 қыркүйектен бастап енгізілген медициналық сақтандыруды тестілеу алдын ала мәселелерді анықтауға және МӘМС-ке толық көшу кезінде тәуекелдерді жоюға көмектеседі.

Елжан Біртанов өзге де мемлекеттік органдармен бірлесіп шешуді талап ететін бірнеше мәселені атады.

«Медициналық сақтандыру табысты жұмыс істеу үшін халықты барынша көбірек тарту керек. Медициналық сақтандыру қоры сақтандырылған адамдардың санын тұрақты түрде есептеп, мониторинг жүргізеді.

Бүгінгі таңда, біздің бағалауымыз бойынша, азаматтардың 94,6% МӘМС жүйесімен қамтылған, ал халықтың шамамен 5,4% немесе 1 млн адам «сақтандырылмаған«, - деді Денсаулық сақтау министрі.

Бейресми өзін-өзі жұмыспен қамтыған халықты өзектендіру мәселесі бойынша ведомство басшысы 687,7 мың адамның мәртебесі анықталмағанын атап өтті.

Сонымен қатар, министр еңбек және салық заңдарының орындалуын бақылауды күшейту қажет екенін еске салды.

Селекторлық режімдегі кеңеске өңірлердегі әкімдіктердің, денсаулық сақтау басқармаларының өкілдері қатысты, олар медициналық сақтандыруды енгізуге техникалық дайындық, 2020 жылдың қаңтарынан бастап медициналық көмек көрсетудегі өзгерістер жайлы халықты хабардар ету туралы баяндады.

«Медициналық сақтандыру әрбір тұрғынға әсер етеді, сондықтан мемлекеттік органдар сақтандыру медицинасына бірқалыпты көшу үшін барлық қажетті шараларды қабылдауы тиіс. Олар үйлесімді және өзара жүйелі жұмыс істеуі тиіс. Ең басты мәселе - балалардан бастап ересектердің барлығын есепке алу қажет. Осы айда халық мәртебесін өзектендіру, МӘМС жүйесіне жеңілдік жасалған санаттар бойынша қатысушыларды реттеу жұмыстарын аяқтау керек«, - деді Бердібек Сапарбаев.

Сонымен қатар, әкімдіктерге 1 қазанға дейін медициналық ұйымдарды компьютермен жабдықтау және интернетпен қамту жұмыстарын аяқтауды тапсырды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT