+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Сапарбаев маусымдағы лаңкестік оқиға кезінде қаза болған азаматтардың анасы мен жұбайын құттықтады

2017 жылғы 6 наурыз 17:37
Бөлісіңіз:
Сапарбаев маусымдағы лаңкестік оқиға кезінде қаза болған азаматтардың анасы мен жұбайын құттықтады

АҚТӨБЕ. ҚазАқпарат - Ақтөбе облысының әкімі Бердібек Сапарбаев маусымдағы лаңкестік оқиға кезінде қаза болған азаматтардың анасы мен жұбайын Халықаралық әйелдер күні құттықтады, деп хабарлайды ҚазАқпарат тілшісі.

8 наурыз Халықаралық әйелдер күніне орай құттықтаулар басталды. Бүгін облыс әкімі Бердібек Сапарбаев 5 маусым күні лаңкестердің қолынан қаза болған зейнеткер Николай Онищенконың жұбайы Галина Онищенконы, Андрей Максименконың анасы Тамара Максименконы, Михаил Матросовтың жұбайы Светлана Матросованы мерекемен құттықтады.
null

«Сіздерге ең бастысы денсаулық тілейміз. Жақыныңнан айырылу қиын, бірақ өмір жалғасады. Балаларыңыз бен немерелеріңіз үшін бәріне шыдас берген жөн. Билік жат ағым жетегінде кеткендермен күрес жұмыстарын жан-жақты жүргізіп жатыр. Бұл жұмыс әрі қарай жалғасады, тоқтамайды», - деді облыс әкімі Бердібек Сапарбаев.

Айта кетейік, 5 маусымдағы лаңкестік оқиға кезінде «Паллада» мен «Пантера» қару-жарақ дүкендерінде атыс болып, үш бейбіт тұрғын мен «Күзет» мекемесінде жұмыс істейтін Мейірхан Тәжібаев қайтыс болды. Сол кезде Ақтөбедегі 6655 әскери бөлімінде 3 әскери қызметкер оққа ұшты.
null

Лаңкестік оқиға кезінде қолына қару алып, оқ атқан 7 сотталушы өмір бойы, екеуі 20-22 жылға бас бостандығынан айырылды. Қылмысты жасырып қалған 18 сотталушыға 2 жылдан 5 жылға дейін бас бостандықтарынан айыру жазасы кесілді.

Біздің каналымызға жазылыңыз:

Бөлісіңіз:

Автор:

Алтынай Сағындықова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT