+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

«Самұрық-Қазынаның» корпоративтік басқару кодексі ЭЫДҰ стандарттарына сай әзірленген - Е.Бахмутова

2016 жылғы 30 наурыз 13:10
Бөлісіңіз:
«Самұрық-Қазынаның» корпоративтік басқару кодексі ЭЫДҰ стандарттарына сай әзірленген - Е.Бахмутова

АСТАНА. ҚазАқпарат - «Самұрық-Қазынаның» корпоративтік басқару кодексі ЭЫДҰ стандарттарына сай әзірленген. Бұл туралы бүгін «Корпоративтік басқару: Қазақстанның инвестициялық тартымдылығына жаңа көзқарастар» атты ұлттық форум барысында «Саұрық-Қазына» ұлттық әл-ауқат қоры» АҚ-ның басқарушы директоры Елена Бахмутова мәлім етті.

Оның атап өтуінше, трансформация, жекешелендіру бағдарламалары, сонымен қатар Астанада Халықаралық қаржы орталығын құру мәселесі қазақстандық компаниялардың корпоративтік басқаруын әлемнің үздік тәжірибесіне тез арада сәйкестендіруді талап етеді. Осыған орай 2015 жылы «Самұрық-Қазына» қоры корпоративтік басқарудың жаңа кодексін әзірлеген болатын. Ол халықаралық тәжірибенің барлық үздік үлгілерін өзіне сіңірген.

«Біз бұл кодексті ЭЫДҰ мамандарының тікелей қатысуымен жасадық. Өйткені, дәл осы институт қабырғасында бұл бағыттағы үздік халықаралық тәжірибе шоғырланған. Кодекс квазимемлекеттік, сонымен қатар жеке сектор үшін де үлгі бола алады», - деді ол.

Сонымен қатар Е.Бахмутова корпоративтік басқару кодексін әзірлеу барысында нақты ұстанымдар сақталғанын атап өтті.

«Біз өз компаниямызды көптеген акционері бар компания ретінде қарастырамыз. Яғни, біз ең басынан-ақ біздің компанияларымызға миноритарлық акционерлердің болуына жол береміз. Олардың құқықтары лайықты түрде қорғалуы тиіс. Соған сәйкес, біздің кодекс тек қана квазимемлекеттік ғана емес, сонымен бірге жеке сектор үшін негізгі үлгі бола алады», - деді қордың басқарушы директоры.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT