+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Самал Еслямова «Мəдениет саласының үздігі» төсбелгісімен марапатталды

2021 жылғы 7 мамыр 08:55
Бөлісіңіз:
Самал Еслямова «Мəдениет саласының үздігі» төсбелгісімен марапатталды

НҰР-СҰЛТАН. ҚазАқпарат - ҚР Мәдениет және спорт министрі Ақтоты Райымқұлова Нұр-Сұлтан қаласы әкімдігінің Музыкалық жас көрермен театрында болып «Абай-Тоғжан» музыкалық драмасын тамашалады, деп хабарлайды ҚазАқпарат.

Ұқсас жаңалықтар
СҚО-дағы көне ғимаратта Ислам мәдениетінің музейі ашылмақ

Кеш шымылдығын Қазақстанның еңбек сіңірген қайраткері, театрдың директоры Асхат Маемиров ашып, көрермендерге театрдың қонақтарын таныстырып өтті.

«Абай-Тоғжан» музыкалық драмасы адамзат тарихындағы біртуар тұлғалардың болмыс-бітіміндегі жасампаз рух – балалық шақтан бастау алатын, жас ұрпақтың дүние танымына, жан дүниесіне, рухани болмысының қалыптасуына әсер ететін Абай ғұмырының бозбала кезеңін арқау етеді. Аталған қойылымда Қазақстанның еңбек сіңірген қайраткері Самал Еслямова жас Абайдың анасы Ұлжанның рөлін сомдады.


Спектакльден кейін алғашқы болып сөз тізгінін алған министр Ақтоты Рахметоллақызы қазақ сахнасына жаңа жас театр келгенін, жас болса да, талантты актер, актрисалардың өнеріне тәнті болғанын жеткізді. Сонымен қатар, театр бір адамның еңбегі емес, барлық ұжымның еңбегі екенін, енді осы Музыкалық жас көрермен театрының тұрақты көрермені болатынын, аталған театрдың болашағы жарқын болатынына сенімді екенін айтты.


Министр Музыкалық жас көрермен театрының актрисасы Самал Еслямованың қоржыны кезекті марапатпен толыққанын атап өтіп, Ресей кинематография өнері академиясының «Ника» жүлдесін табыстап, былай деп құттықтады:

«Құрметті Самал Ілиясқызы!

Сізді бүгінгі марапаттарыңызбен шын жүректен құттықтаймын!

2018 жылы көрерменге жол тартқан «Айка» фильмі көпшілік пен киногерлер тарапынан жоғары бағаланып келе жатқанына қуаныштымын. Расында бұл туынды кейіпкері өмірдегі күрделі сәттер арқылы бізге ой салып, жігерлендіреді. Талайлы тағдыр иесінің жағдайы көрген жанды толғандырады. Жан дүниесін бір ысытып, бір суытып, әлеуметтік мәселелердің өзектілігін жүрекке жеткізеді.

Кино әлемінде кеңінен танылған Канн кинофестивалінен кейін осы «Ника» жүлдесіндегі «Үздік әйел рөлі» номинациясындағы жеңіс Сіздің бұдан да биік белестерге бастай беруіне тілектеспін. Лайым талғампаз көрерменді немқұрайды, жайбарақат қалдырмайтын фильмдеріңіз бен образдарыңыздың қатары арта берсін! Сіздерге зор денсаулық, толайым табыс пен шығармашылық шабыт тілеймін!» - деп, министр «Ника» жүлдесін табыстады.

Сонымен қатар, министр Ақтоты Рахметоллақызы театрдың жетекші актрисасы Самал Еслямова мен бірге «Айка» және «Тюлпан» фильмін ғана емес, барша қазақ өнерін Самалдың жеңісі де әлемге танылуына себепкер болған режиссердің де үлкен жұмысы екенін атап өтіп, оның режиссерлік еңбегіне одан да жоғары шығармашылық табыстар тілеп, ресейлік режиссер Сергей Дворцевойды «Мəдениет саласының үздігі» төсбелгісімен марапаттады.


Ал «Абай-Тоғжан» музыкалық драмасын тамашалаған театрдың құрметті қонағы Қазақстанның еңбек сіңірген әртісі, мемлекет және қоғам қайраткері Нұрлан Өнербаев:

- «1998 жылы Елордамыз Астана аттанып жатқан кезде «Елорда - жақын болашақта мәдениет орталығы болады» деп Елбасымыз айтқанда, ол туралы ойлаудың өзі бұлыңғыр болатын! Осындай талантты жастардың басын қосып және олардың арасында қазақ өнерін бүкіл әлемге танытып жүрген жұлдыздардың болуы, көштің түзу жүріп келе жатқанын білдіреді! Осы тұста Асхат Максимұлына шексіз алғысымды білдіргім келеді!» - деді.

Нұр-Сұлтан қаласы мәдениет басқармасының басшысы Нұрлан Әлімжанов министр Ақтоты Райымқұловаға алтын уақытын бөліп келгеніне алғыс айтып, жас театрға келіп ізгі ниетін білдіріп, жас артистерге ақ батасын беріп, қолдағаны үшін рахметін жеткізіп, өзінің де жас артистердің өнеріне тәнті болғанын былай жеткізді:

- «Жас та болса, көздерінде оты бар, жаны бар, кереметтей қаны бар өнерлі бауырларымыздың, қарындастарымыздың басын қосып ашып жатқан театрдың директоры, елімізге танымал театр режиссері Асхат Максимұлына алғысымды білдіремін. Тірі дауыс, домбыра, қыл қобыз, үрмелі аспаптардың тірі үндерін тек қана тірі дүниені бізге көрсетіп жатқан жалынды жастарымыздың бары бізді қуантады!» - деп, басқарма басшысы Нұрлан Баянғалиұлы өзінің шын қуанышымен бөлісті.

Шара соңында Музыкалық жас көрермен театрының директоры, Асхат Маемиров қазақстандықтарды алда келе жатқан 7 мамыр - Отан қорғаушылар күнімен, 9 мамыр -Жеңіс күнімен құттықтап, келген қонақтарға алғыс білдірді.

Сондай-ақ, Қазақстанның еңбек әртісі Бағдат Сәмединова, Қазақстанның еңбек сіңірген қайраткерлері Светлана Айтбаева мен Дина Хамзина кештің қонақтары болды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT