Самал Еслямова «Азияның үздік актрисасы» атанды

АСТАНА. ҚазАқпарат - Қазақстандық актриса Самал Еслямова Гонконгта өткен Азия киноакадемиясында (Asian Film Awards Academy) «Азияның үздік актрисасы» сыйлығына ие болды, деп хабарлайды ҚазАқпарат.
Бұл туралы ҚР Мәдениет және спорт министрі Арыстанбек Мұхамедиұлы фейсбук парақшасында жазды.
«Жаңа ғана режиссер Сергей Дворцевойдан керемет жаңалықты естідім. Гонконгта өткен Азия киноакадемиясында (Asian Film Awards Academy) Самал Еслямова «Азияның үздік актрисасы» сыйлығына ие болды», - деп жазды министр.
Арыстанбек Мұхамедиұлының айтуынша, Asian Film Awards Academy - «азиялық Оскар» саналады. Азия киноакадмиясы номинанттардың тізімін 11 қаңтарда белгілеген.
«Бұл өте ірі жетістік. Шығармашылық команданы шын жүректен құттықтаймын!», - дейді министр.
Еске сала кетсек, Самал Еслямова былтыр 71 Канн кинофестивалінде өз аталымы бойынша үздік деп танылған болатын. Актриса ресейлік режиссер Сергей Дворцевойдың «Айка» атты картинасында басты рөлді сомдаған.
- Жақында Димаштың жаңа бейнебаяны жарыққа шығады
- «Томирис» фильміндегі каскадерлер әлемдегі ең беделді сыйлыққа ие болды
- Маңғыстау облыстық музыкалық-драма театрына жаңа директор тағайындалды
- «Едіге» жыры әлемдік өркениеттің музыкалық мұрасына қосылуы керек
-
«Ер Едіге-Ноғайлы дәуірінің жыры» музыкалық альбомы шығарылды
-
Рио-де-Жанейро коронавирусқа байланысты карнавалдан бас тартты
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам