+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

«Салық әмиянын» 7 мыңнан астам қазақстандық пайдаланған

2020 жылғы 21 қазан 19:41
Бөлісіңіз:
«Салық әмиянын» 7 мыңнан астам қазақстандық пайдаланған

НҰР-СҰЛТАН. ҚазАқпарат – Қазақстанда салық төлеу процесі одан әрі жеңілдетіліп, талап етіліп келген төлем құжаттары азайтылды. Бұл «Е – Salyq» мобильдік қосымшасындағы «Салық әмияны» қызметінің арқасында мүмкін болды. Оны «App Store» және «Play Market»-тен жүктеуге болады, деп хабарлайды ҚазАқпарат.

«Казіргі кезде инновацияны 7 090 адам пайдаланды. Олар өздерінің жеке шоттарын 22,9 миллион теңгеге толтырды», - делінген ҚР Қаржы министрлігі Мемлекеттік кірістер комитеті баспасөз қызметінің мәліметінде.

«Салық әмиянына» ақша жіберу арқылы салық төлеуші бірқатар жеңілдіктерге ие болды:

• «Салық әмиянынан» салық берешегін автоматты түрде есептен шығару;

• қарыз сомаларын бір салықтан екінші салыққа автоматты түрде аудару;

• төлем туралы хабарлама алу;

• негізсіз салық санкцияларын алып тастау;

• қате төлемдерді жою;

• салық салу объектілерін қарау.

Сондай-ақ, «Е – Salyq» мобильдік қосымшасында азаматтарға ыңғайлы болу үшін жол полициясы органдарында тіркеу есебінде тұрған көлік құралдары бойынша деректерді қарауға, салықтың қандай көлік құралдарымен есептелгенін көруге мүмкіндік бар.

Бұл қызмет көлік құралының сипаттамаларын өзгертуге, оны өз атынан шығаруға (сатуға) байланысты көлік құралын мәліметтер базасынан алып тастау үшін онлайн режимінде жүгінуге мүмкіндік береді.

«Іске қосылғаннан бастап, биылғы 19 қазанға дейін 7 493 адам түзету мүмкіндігін пайдаланып үлгерді, оның – 7 312-сі көлікке, 117-сі мүлікке қатысты.

Интерфейсте тиісті сату құжаттарын немесе көлік құралының деректерін түзету жеткілікті. Бірнеше күн ішінде ақпарат түзетіледі.

Сонымен қатар, 30 маусымнан бастап – 507 салық төлеуші артық төлемдерді басқару қызметін қолданып үлгерді.

Жалпы, порталға кіріп, мобильдік қосымшаны 96 263 адам жүктеп үлгерді.

Төленуге жататын көлік салығының сомасын Мемлекеттік кірістер комитетінің www.kgd.gov.kz порталы, egov.kz электронды үкімет порталы, сондай-ақ тұрғылықты жері бойынша аудандық Мемлекеттік кірістер басқармалары арқылы білуге болады», - делінген ақпаратта.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT