Сақалды әйел Гиннестің рекордтар кітабына енді

АСТАНА. ҚазАқпарат - Бетінде 15 см түгі бар модель Британиядағы ең жас сақалды әйел атанды. Бұл туралы Гиннестің рекордтар кітабын құрушылар хабарлады, деп жазады ВВС.

Беркшир графтығындағы Слау қаласының тұрғыны 24 жастағы Гарнам Каур Рекордтар кітабына енуінің үлкен мәртебе екенін айтты.

Каур өз сақалы арқылы жылдар бойы келбетін күлкі еткен ауыр кездерден рухани айыққысы келеді. 

Гарнам Каурда поликистозды аналық синдромы - гормонды бұзылудан бет терісінде шамадан тыс түк шыққан.

2016 жылдың наурыз айында Гарнам Каур Лондондағы сән апталығында подиумға шыққан тұңғыш сақалды әйел болды.