+7 (701) 759 90 19
USD 420.65 EUR 505.03
RUB 5.64 CNY 65.01
Jańalyqtar

Сағынтаев Алматыда студенттік жатақхананың құрылысын тоқтатты

2021 жылғы 23 ақпан 09:31
Бөлісіңіз:
Сағынтаев Алматыда студенттік жатақхананың құрылысын тоқтатты

АЛМАТЫ. ҚазАқпарат- Алматы әкімі Бақытжан Сағынтаев тұрғындардың шағымынан кейін тоғыз қабатты жатақхананың құрылысын тоқтату туралы шешім қабылдады, деп хабарлайды ҚазАқпарат тілшісі.

Ұқсас жаңалықтар
Ақмола облысының мәдениет саласы қалай дамуда Алматыда үш қабатты қонақүй мен гүл сататын дүкен сүрілді 2021 жылы «Алматы-Өскемен» тасжолының 200 шақырымы ашылады

Әуезов ауданындағы «Алтын бесік» ықшамауданының тұрғындары 17 ақпанда өткен Алматы қаласы әкімінің есептік кездесуінде жатақхана салу жоспарын қайта қарау туралы өтініш айтып, құрылыс алаңына шақырған болатын.

«Аталған жерге барып, Алматы технологиялық университетінің студенттеріне арналған жатақхана ғимаратына жер телімін беру туралы қаулының күшін жою туралы шешім қабылдадым. Жуырда студенттік үй үшін басқа қолайлы жер қарастырамыз», - деп жазды Instagram-дағы парақшасында Б. Сағынтаев.

Оның айтуынша, енді бұл жерге 120 орындық балабақша, спорт және воркаут алаңдары салынады.

«Ата-аналар балаларға арналған қосымша оқыту мен дамыту орталықтарын құру қажеттігін айтты. Бұл ретте «Шыңға Өрлеу» әлеуметтік клубтарының тәжірибесі негізінде тегін үйірмелер мен спорт секцияларын ашамыз», - деп атап өтті Алматы әкімі.

Әуезов ауданына жұмыс сапары барысында қала әкімі ықшамауданның құрылыс салуға тыйым салынған аймақтарда орналасқан бос жерлерін де қарап шықты. Мұнда жайлы жасыл қоғамдық орындарды құру жоспарланып отыр.

Еске салсақ, Назарбаев даңғылында тұратын тұрғындардың өтініштері бойынша Б. Сағынтаевтың шешімімен тұрғын үй кешенінің құрылысы тоқтатылған болатын.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT