Садриддин Ахмедов мексикалық боксшыны нокаутпен жеңді

АСТАНА. ҚазАқпарат - Қазақстандық боксшы Садриддин Ахмедов Канадада өткен кәсіпқой бокс кешінде Мексика өкілін нокаутпен жеңді, деп хабарлайды «SPORTINFORM» САА.

Бірінші орта салмақ өкілдері Садриддин Ахмедов пен Густаво Гарибай (13-10-2, 5 КО) арасындағы жекпе-жек алты раундқа шақталған болатын. Алайда бесінші раундтағы Ахмедовтің бет қаратпаған екпініне мексикалық боксшы қауқарсыз болып шықты - нокаутқа түсті.

Қазақстандық проспект осымен үшінші жеңісіне қол жеткізді. Оның барлығында қарсыластарын нокаутқа жіберген. Ал Густаво Гарибай он бірінші рет жеңілді.