Сәбиін еденге соққан әйел ата-аналық құқығынан айырылуы ықтимал
Алматы облыстық соты баспасөз қызметінің мәліметінше, іс Қарасай ауданындағы №2 кәмелетке толмағандардың істері жөніндегі мамандандырылған ауданаралық сотында қаралады. Талғар ауданының білім бөлімі Марина Тюменцевамен бірге оның жолдасын да ата-аналық құқығынан айыруды сұрап отыр. Ал бұл жанұя Талғар ауданының ІІБ жайсыз отбасы ретінде тіркеуде тұр.
Естеріңізге сала кетейік, Марина Тюменцеваның 7 айлық сәбиін еденге соққандағы видеосы әлеуметтік желіде таралып, жұрттың жағасын ұстатқан еді. Баласына аяусыз қатыгездік танытқан 28 жастағы келіншек ҚР ҚК 140 бабы 2 бөлігі бойынша сотталып, оған 25 АЕК көлемінде айыппұл салынған болатын. Яғни, Қарасай ауданындағы №2 кәмелетке толмағандардың істері жөніндегі мамандандырылған ауданаралық сотының 25.10.2017 жылы шығарылған үкіміне сәйкес ол 56 725 мың теңге айыппұл төлеуге міндеттелген.
Айта кету керек, Марина Тюменцеваның үш баласы бар.