Сабақта дінді насихаттаған мұғалім жазаланды

2022 жылғы 8 желтоқсан, 14:07
Сабақта дінді насихаттаған мұғалім жазаланды

АЛМАТЫ. ҚазАқпарат- Әлеуметтік желіде Алматыдағы мектептердің бірінде мұғалім дін туралы сабақ өткізгені туралы видео тарады. Бейнежазбаға байланысты қалалық білім басқармасы түсінік берді, деп хабарлайды ҚазАқпарат тілшісі.

Әлеуметтік желіде тараған бейнежазбадан мұғалім оқушылардан дініңіз, кітабыңыз, мұсылманбысыз? деген сияқты сұрақтар қойғанын көруге болады.

Алматы қаласы Білім басқармасының мәліметінше, видеоролик қала мектептерінің бірінде түсірілген.

«Қазақстан — зайырлы мемлекет, ал мектеп – зайырлы оқу орны. Білім беру ұйымдарында мұғалімдер тек мемлекеттік білім беру стандарты мен бекітілген бағдарламалар аясында сабақ өткізуге міндетті. Басқа іс-шараларды өткізуге тыйым салынады. Мектеп әкімшілігі мен мұғалімге шара қолданылады»,- деп хабарлады қалалық білім басқармасынан.


Ұқсас жаңалықтар
Теги:
Серіктестер жаңалықтары

Jańalyqtar