Рустам Иноятов Өзбекстанның Ұлттық қауіпсіздік қызметінің басшысы лауазымынан кетті

АСТАНА. ҚазАқпарат - 31 қаңтар күні Өзбекстанның Ұлттық қауіпсіздік қызметіне жаңа басшы тағайындалды, деп хабарлайды «ҚазАқпарат» ХАА тілшісі «Халқ сузи» газетіне сілтеме жасап.

ҰҚҚ-ның бұрынғы төрағасы Рустам Расулович Иноятов ведомствоны 1995 жылдан бері басқарып келген.

Елдің ресми органының сайтында хабарлануынша, бұған дейін Өзбекстанның Бас прокуроры лауазымын атқарып келген Ихтиер Абдуллаев ҰҚҚ төрағасы болып тағайындалған. Бұл жайлы президент Шавкат Мирзиеевтің төрағалығымен өткен Өзбекстан Бас прокуратурасы және ҰҚҚ өкілдерінің отырысында мәлімдеме жасалды.