+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Руслан Дәленов: Сарапшылар кеңесіне кадрлық резерв мүшелерін тартуды көздеп отырмыз

2020 жылғы 19 қыркүйек 16:44
Бөлісіңіз:
Руслан Дәленов: Сарапшылар кеңесіне кадрлық резерв мүшелерін тартуды көздеп отырмыз

НҰР-СҰЛТАН. ҚазАқпарат – ҚР Ұлттық экономика министрі Руслан Дәленов Президенттік жастар кадрлық резервінің мүшелерімен кездесті, деп хабарлайды ҚазАқпарат тілшісі.

Ұқсас жаңалықтар
Алматыда жыл басынан бері  50 мың жаңа жұмыс орны ашылды ШҚО-да жылына 4 мың тонна тауарлы балық өсіру көзделуде Ақмола әлеуметтік-экономикалық дамудың басты көрсеткіштеріне қол жеткізді

Ұлттық экономика министрі ең алдымен мемлекеттік органдардың негізгі қызметі туралы және Президенттің 2020 жылғы 1 қыркүйектегі Қазақстан халқына Жолдауын іске асыру бағытындағы басым міндеттерге тоқталды.

«Мемлекет басшысының халыққа Жолдауында экономикаға ерекше мән берілген. Соның ішінде ең маңыздысы экономиканы қазіргі жағдай талабына сай дамыту. Бұл орайда шағын және орта бизнестен бастап, өндіріс саясаты экономикасын дамытудың 10 негізгі бағыты бар. Оның барлығы жаңа экономикалық бағыт болып есептеледі», - деді Руслан Дәленов.

Сондай-ақ, ведомство басшысы министрлік құрылымын жақсарту мақсатында сарапшылар кеңесі құрылғандығы жөнінде және халық үніне құлақ асатын мемлекет идеясын ілгерілету туралы сөз қозғады.

«Біз министрлікте басқарушылық кеңесін құрдық. Оның құрамына бізден 3 өкіл және сарапшылар қоғамынан 3 өкіл кірді. Ондағы мақсат – директорлар, министрліктің жауапты өкілдері сарапшылар кеңесі алдында бізде жүргізіліп жатқан реформалар туралы есеп беру және олардан кері байланыс алу. Осы орайда бізге сарапшылар кеңесіне президенттік жастар кадрлық резервінің мүшелерін де тарту идеясы келді», - деді еліміздің бас экономисі.

Министрдің айтуынша, алдағы уақытта корпоративтік басқаруды жетілдіру және квазимемлекеттік секторды реформалау бойынша тың ұсыныстар әзірленеді.

«Стратегиялық инвестициялық келісім жасаудың жаңа тетіктері енгізіледі. Яғни инвестициялық жобаларды іске асыруда қаржылай және қаржысыз қолдау шараларының бірыңғай пакетін ұсыну деген сөз. Инвестициялық жобаны іске асырудың барлық кезеңінде заңнамалық талаптардың маңыздылығын ұмытпаған жөн», - дейді ол.


Оның мәлімдеуінше, ШОБ пен экономиканың басқа да зардап шеккен салаларын қолдау шаралары жалғасын табады.

«Бизнестің жол картасы – 2025» мемлекеттік бағдарламасының жаңа бағыты аясында ШОБ-қа берілген кредиттер бойынша сыйақы мөлшерлемесі субсидияланады. Бұл соңғы проценттік мөлшерлемені жылдық 6% -ке дейін жеткізеді. Мұндай субсидиялар төтенше жағдай жарияланған сәттен бастап 12 айлық кезеңді қамтиды», - деді Р. Дәленов.


Біздің каналымызға жазылыңыз:

Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT