14:12, 28 Қазан 2017 | GMT +6
Руслан Әбдіразақов кубалық қарсыласынан 14 секундта ұтылып қалды
АСТАНА. ҚазАқпарат - Астанада өтіп жатқан қазақ күресінен әлем чемпионатында қазақстандық Руслан Әбдіразақов кубалық қарсыласынан 14 секундта ұтылып қалды, деп хабарлайды ҚазАқпарат тілшісі.
Аса ауыр салмақта қазақ елі басты үмітті Әбдіразақовқа артқаны белгілі. Өкінішке қарай отандасымыз кубалық Хермандез Мелгареджодан күтпеген жерден ұтылып қалды.
Естеріңізге сала кетейік, алғашында осы әлем біріншілігінде аса ауыр салмақта Айбек Нұғымаров белдеседі деген болатын. Алайда, жарыс басталғанға бірер күн қалғанда оның орынына Руслан Әбдіразақовтың шығатыны белгілі болды.